អត្ថន័យចំនួនផ្កាកុលាបរហូតដល់១០០១ទង ពេលជូនចំពោះនរណាម្នាក់

2022-06-27 04:40:00
ចំនួនមតិ 0 | ចំនួនចែករំលែក 0

ដឹងពីអត្ថន័យឲ្យហើយ ស្រួលពេលមាននរណាគេជូនផ្កាកុលាប អ្នកអាចដឹងបានពីបំណងរបស់គេ។ ទាំងនេះជាអត្ថន័យចំនួនផ្កាកុលាបពី១ទង រហូតដល់ ១០០១ ទង ៖

-ផ្កាកុលាប១ទង

តំណាងឲ្យជួបលើកដំបូង ដែលស្តែងចេញពីអារម្មណ៍ជួបដំបូងរបស់អ្នកទាំងពីរ។

-ផ្កាកុលាប២ទង

តំណាងឲ្យអារម្មណ៍របស់អ្នកទាំងពីរដូចគ្នា គាត់នឹកអ្នក អ្នកក៏នឹកគាត់ដូចគ្នា។

-ផ្កាកុលាប៣ទង

តំណាងឲ្យពាក្យដែលចង់និយាយប្រាប់គ្នាដោយស្មោះត្រង់គឺ I Love You។

-ផ្កាកុលាប៥ទង

តំណាងថាគាត់ស្រលាញ់អ្នកខ្លាំងណាស់ ស្ទើរលេបទៅហើយ។

-ផ្កាកុលាប៦ទង

តំណាងឲ្យក្តីអាលោះអាល័យដែលដក់ជាប់ក្នុងចិត្តស្ទើរតែទ្រាំមិនបាន ហើយចង់បញ្ជាក់ថាគាត់នឹក និងស្រលាញ់អ្នកណាស់។

-ផ្កាកុលាប៧ទង

គាត់កំពុងលួចស្រលាញ់អ្នក តែមិនហ៊ាននិយាយចេញមក ។ នេះគឺតំណាងថា អ្នកបានឆក់យកបេះដូងរបស់គាត់បានសម្រេចហើយ តែគាត់អៀនមិនហ៊ានប្រាប់ឲ្យអ្នកដឹង។

-ផ្កាកុលាប៩ទង

តំណាងឲ្យការនិយាយថា "សូមរស់ក្បែរខ្ញុំរហូតបានទេ?”

-ផ្កាកុលាប១២ទង

គាត់សុំឲ្យអ្នករស់ក្បែរគាត់ ព្រោះអ្នកជាមនុស្សធ្វើឲ្យគាត់ផុតអស់ទុក្ខកង្វល់។

-ផ្កាកុលាប១៣ទង

តំណាងឲ្យភាពស្មោះត្រង់និងក្តីសង្ឃឹមដែលផ្តល់ឲ្យគ្នា ១០០% ហើយគាត់ចង់ឲ្យអ្នកមានសំណាងល្អ។

-ផ្កាកុលាប១៥ទង

តំណាងឲ្យការសុំទោសដែលគាត់មិនបានតាំងចិត្តធ្វើ សង្ឃឹមថាអ្នកនឹងមិនប្រកាន់។

-ផ្កាកុលាប២១ទង

តំណាងឲ្យទំនុកចិត្តដែលគាត់ផ្តល់ឲ្យអ្នក គាត់ជឿជាក់លើអ្នក គ្រប់យ៉ាងដែលគាត់សម្រេចចិត្ត គឺគិតសំខាន់តែលើអ្នកម្នាក់។

-ផ្កាកុលាប៤០ទង

តំណាងឲ្យ ស្នេហាដែលគាត់ផ្តល់អ្នកគឺជាការពិត ហើយចង់ឲ្យអ្នកដឹង។

-ផ្កាកុលាប៤៤ទង

តំណាងឲ្យស្នេហាដែលគ្មានថ្ងៃផ្លាស់ប្តូរ មិនថាពេលវេលាយូរយ៉ាងណា ក៏គាត់មិនប្តូរចិត្តពីអ្នកដែរ ដែលនេះជាក្តីសុបិនរបស់មនុស្សគ្រប់រូបសុបិនចង់បាន។

-ផ្កាកុលាប៩៩ទង

គឺជាចំនួនដែលគាត់ចង់ប្រាប់ថាគាត់ស្រលាញ់អ្នករហូតដល់ស្លាប់។ ស្នេហាមិនអាចបែងចែកចេញពីគាត់បានទេ គាត់ចង់បញ្ជាក់ច្បាស់ហើយ អ្នកជាមនុស្សសំខាន់និងជាការចងចាំដ៏ល្អ។

-ផ្កាកុលាប១០០ទង

តំណាងឲ្យ "ខ្ញុំស្រលាញ់អ្នកខ្លាំងណាស់" រហូតដល់គ្មានអ្វីអាចប្រៀបធៀបបានទេ ព្រោះវាជាស្នេហាដ៏អស្ចារ្យបំផុតក្នុងបេះដូវរបស់គាត់ ។ នេះជាការជូនដោយភាពស្មោះត្រង់ ចង់ឲ្យអ្នកមើលឃើញពីទំហំដួថចិត្ត ថាគាត់មានចំពោះអ្នកប៉ុនណា។

-ផ្កាកុលាប១០១ទង

តំណាងឲ្យក្តីស្រលាញ់ដែលគ្មានអ្នកជំនួសបាន។ ទោះបីមានគេផ្សេងចង់ចូលមកពាក់ព័ន្ធក្នុងជីវិតគាត់យ៉ាងណា ក៏គាត់មិនខ្វល់ ហើយនៅតែចង់មានម្នាក់គត់ក្នុងជីវិត។