បវរកញ្ញាឡាវ ត្រូវគេថាមាឌដូចកីឡាកាសនៅ Miss International Queen

2022-06-27 02:45:00
ចំនួនមតិ 0 | ចំនួនចែករំលែក 0

តំណាងមកពីប្រទេសឡាវត្រូវបានទស្សនិកជនចាប់អារម្មណ៍ពិសេស ដោយសារមានរូបរាងធំជាងបេក្ខនារីដទៃ។ កាលពីថ្ងៃទី ២៥ ខែមិថុនាកន្លងទៅនេះ វគ្គពាក់កណ្ដាលផ្ដាច់ព្រ័ត្រកម្មវិធីប្រលងបវរកញ្ញាកែភេទអន្តរជាតិ Miss International Queen 2022 ត្រូវបានប្រព្រឹត្តឡើងនៅប្រទេសថៃ ដោយមានការចូលរួមពីបេក្ខនារីជាច្រើន មកពីបណ្ដាប្រទេសនានា។

នៅក្នុងចំណោមទាំងអស់ បវរកញ្ញាមកពីអាស៊ីទទួលបានចំណាប់អារម្មណ៍ខ្ពស់ពីភាពរស់រវើកដូចជាមនុស្សស្រីពិតៗរបស់ខ្លួន។ រីឯតំណាងដែលទទួលបានចំណាប់អារម្មណ៍ខ្លាំងជាងគេនៅវគ្គនេះ គឺបានទៅលើ តំណាងមកពីប្រទេសឡាវ ដោយស្រីស្អាតមកពីឡាវ មានរាងឌាំងធំមាំ ធ្វើឲ្យទស្សនិកជននឹកដល់នារីកីឡាកាសអាមេរិក។

រីឯតំណាងដែលត្រូវបានគេមើលឃើញថា ជាបេក្ខភាពខ្លាំងសម្រាប់បវរកញ្ញាឆ្នាំនេះរួមមាន ម្ចាស់ផ្ទះថៃ ហ្វីលីពីន និងវៀតណាម ដែលសុទ្ធតែជាបេក្ខភាពមានអត្រាភាគរយខ្ពស់ចូលក្នុង Top 10៕