សុខភាពល្អតាំងពីក្បាលដល់ចុងជើងចូលដល់បេះដូងទៀត បើផឹកតែបៃតងលាយទឹកឃ្មុំទៀងទាត់
- 2022-06-23 08:20:00
- ចំនួនមតិ 0 | ចំនួនចែករំលែក 0
សុខភាពល្អតាំងពីក្បាលដល់ចុងជើងចូលដល់បេះដូងទៀត បើផឹកតែបៃតងលាយទឹកឃ្មុំទៀងទាត់
ទឺកឃ្មុំ និងតែបៃតង គឺជាគ្រឿងផ្សំពីរដែលផ្តល់នូវគុណប្រយោជន៍យ៉ាងច្រើន។ អ្នកនឹងកាន់តែភ្ញាក់ផ្អើល បើលាយសារធាតុទាំងពីរនេះចូលគ្នា។
១. បេះដូងមានសុខភាពល្អ
យោងតាមការសិក្សាមួយចំនួនសន្មត់ថា មួយថ្ងៃផឹកតែបៃតង 7-8 ពែង ជួយកាត់បន្ថយអត្រាមរណភាពដោយជំងឺបេះដូងស្ទើរតែ 78%។ តៃបៃតងមានប្រសិទ្ធភាពកាត់បន្ថយកូឡេស្តេរ៉ុល ហើយសារជាតិដ៏អស្ចារ្យក្នុងទឹកឃ្មុំក៏ជួយពង្រឹងសាច់ដុំបេះដូង ព្រមទាំងកាត់បន្ថយសម្ពាធឈាមផងដែរ។
២. ព្យាបាលក្លិនមាត់
ក្រៅពីល្អសម្រាប់សុខភាពរាងកាយហើយ តែបៃតងនៅជួយប្រយុទ្ធស្រឆាំងបាក់តេរី និងមេរោគក្នុងមាត់ កម្ចាត់ក្លិនដង្ហើមមិនល្អបានដល់ទៅ 30% ផងដែរ។ អ្នកក៏អាចបន្ថែមទឹកឃ្មុំចូលបានដែរ ព្រោះវាជួយការពារការរីកធំធាត់នៃបាក់តេរីក្នុងមាត់ ជាភ្នាក់ងារកម្ចាត់បាក់តេរីបានយ៉ាងល្អ ដែលគ្រឿងផ្សំទាំងពីរជួយប្រយុទ្ធប្រឆាំងក្លិនមាត់បានយ៉ាងមានប្រសិទ្ធភាព។
៣. ល្អសម្រាប់សុខភាពឆ្អឹង
ផឹកតែបៃតងជាមួយទឹកឃ្មុំទៀងទាត់នឹងជួយសុខភាពឆ្អឹងបានល្អ ពិសេសសម្រាប់មនុស្សស្រី ព្រោះក្រោយអាយុ 30 ឆ្នាំ សុខភាពចាប់ផ្តើមទ្រុឌទ្រោម។
៤. ផ្តល់នូវស្បែកមានសុខភាពស្រស់ថ្លា
ផឹកសារធាតុទាំងពីរនេះទៀងទាត់ជួយកាត់បន្ថយជាតិពុលចេញពីរាងកាយ ផ្តល់នូវវីតាមីនរួមទាំងសារធាតុរ៉ែដែលមានគុណប្រយោជន៍ដល់សុខភាព។ ទាំងទឹកឃ្មុំនិងតែបៃតងសម្បូរដោយសារធាតុប្រឆាំងអុកស៊ីតកម្ម ជួយបង្កើតកោសិការស្បែកឡើងវិញ ធ្វើឲ្យស្បែកមានពន្លឺ និងមើលទៅក្មេង។ លើសពីនេះ ជួយផ្នែកសម្រស់ដូចជាបំបាត់មុន ព្យាបាលស្នាមអុជខ្មៅ ជួយស្បែកតឹងណែន កុំឲ្យរងឥទ្ធិពលពីពន្លឺព្រះអាទិត្យ ពិសេសកាំរស្មី UV។
៥. ជួយសក់លូតលាស់ល្អ
យោងតាមការសិក្សាជាច្រើនបង្ហាញថា តែបៃតងជួយការពារសក់ជ្រុះធ្វើឲ្យសក់ដុះក្រាស់ សក់មានសំណើមផងដែរ។ រីឯទឹកឃ្មុំមានគុណប្រយោជន៍ច្រើនបំផុតសម្រាប់សក់ ជួយថែបំប៉នសក់កុំឲ្យស្ងូត ធ្វើឲ្យសក់ភ្លឺរលោង ព្យាបាលសក់ខូចពីកម្តៅព្រះអាទិត្យ។ ដូច្នេះហើយ បើផឹកទឹកឃ្មុំទៀងទាត់ជាមួយតែបៃតងគឺជាវិធីមួយជួយចិញ្ចឹមដល់សសៃសក់រយៈពេលវែង។
៦. បំបាត់អាការៈផ្តាសាយធម្មតា
តែបៃតងជាមួយទឹកឃ្មុំនឹងជួយប្រយុទ្ធប្រឆាំងមេរោគ រួមទាំងបង្កើនប្រព័ន្ធភាពស៊ាំក្នុងរាងកាយ ឆាប់ជាពីជំងឺផ្តាសាយធម្មតា៕