Win Metawin ស្អាតលេចធ្លោពេលឈរក្បែរ Jae Hyun និង Song Kang នៅអ៊ីតាលី

2022-06-21 03:05:00
ចំនួនមតិ 0 | ចំនួនចែករំលែក 0

ទោះបីជាឈរទន្ទឹមនឹងតារាជួរមុខកូរ៉េទាំងពីរនាក់ក៏ដោយ តែតារាសម្ដែងប្រុសជួរមុខថៃ Win Metawin នៅតែលេចធ្លោគួរឲ្យចាប់អារម្មណ៍។

កាលពីថ្ងៃទី ២០ ខែមិថុនាមុននេះ បណ្ដាញព័ត៌មាន Nate បានរាយការណ៍ថា កម្មវិធីបង្ហាញម៉ូដសម្លៀកបំពាក់ថ្មីបំផុតរបស់ប្រេនខោអាវលំដាប់ Prada ត្រូវបានធ្វើឡើងនៅទីក្រុង Milan ប្រទេសអ៊ីតាលី ដោយមានតំណាងរបស់ប្រេនមកពីច្រើនប្រទេស។

តំណាងរបស់ប្រទេសបានមានវត្តមានពីររូបរួមមាន តារាសម្ដែងប្រុសកំពុងឡើងកូដ Song Kang និងតារាចម្រៀងប្រុសល្បីឈ្មោះ Jae Hyun។ រីឯតំណាងមកពីប្រទេសថៃ មានវត្តមានរបស់តារាសម្ដែងប្រុសលំដាប់ A Win Metawin។

ប្រភពខាងលើបានឲ្យដឹងថា ប្រុសស្អាតទាំងបីសុទ្ធតែស្រស់សង្ហារៀងៗខ្លួន ដោយមានកម្ពស់ខ្ពស់ស្រឡះ ធ្វើឲ្យអ្នកដទៃពិតជាច្រណែន។ អ្នកគាំទ្រក៏បានលើកសរសើរ តួរឿង F4 ថៃថា ទោះបីជានៅក្បែរតារាជួរមុខកូរ៉េក៏ពិតមែន តែ Win នៅតែមិនចាញ់ប្រៀប ដោយនៅប្លង់ខ្លះ ប្រុសស្អាតអាយុ ២៣ឆ្នាំ ទាក់ទាញចំណាប់អារម្មណ៍គេជាងមិត្តរួមអាជីពមកពីកូរ៉េទៀតផង៕