ម៉ារីម៉ា បដិសេធថតរឿងកូរ៉េ ជាមួយ Kim Seon Ho

2022-06-14 02:20:00
ចំនួនមតិ 0 | ចំនួនចែករំលែក 0

កំពូលតារាសម្ដែងស្រីហ្វីលីពីន Marian Rivera ត្រូវបានផលិតករអញ្ជើញថតរឿងនៅប្រទេសកូរ៉ តែនាងមិនទទួលសំណើរនេះ។

កាលពីថ្ងៃទី ១៣ ខែមិថុនាកន្លងទៅនេះ បណ្ដាញព័ត៌មាន Philstar បានរាយការណ៍ថា តារាសម្ដែងស្រីលំដាប់ A ហ្វីលីពីន Marian Rivera បានមានជំនួបជាមួយអ្នកកាសែត ដើម្បីជជែកពីជិវិតរបស់ខ្លួន។ នៅក្នុងបទសម្ភាសន៍នេះដែរ ស្រីស្អាតអាយុ ៣៧ឆ្នាំ បានឲ្យដឹងថា កាលពីឆ្នាំមុន នាងត្រូវបានអញ្ជើញឲ្យថតភាពយន្តកូរ៉េមួយដែលមានចំណងជើងថា Sad Tropics ជាមួយតារាសម្ដែងប្រុសជួរមុខកូរ៉េ Kim Seon Ho។

យ៉ាងណាក្ដី ក្រោយពេលចំណាយពេលគិតមួយរយៈ នាងបានបដិសេធសំណើរខាងលើ ទោះបីជាផលិតករបានអង្វរ និងផ្ដល់តម្លៃខ្លួនឲ្យនាងខ្ពស់ក៏ដោយ។ មូលហេតុចម្បងនៃការមិនទទួលថតនេះគឺ នាងត្រូវចំណាយពេលនៅប្រទេសកូរ៉េ២ខែ ឃា្លតឆ្ងាយពីកូនៗតូច២នាក់ ដូចនេះ នាងសុខចិត្តលះបង់ឱកាសនេះចោល។

“មានពេលខ្លះ នៅក្នុងជីវិត យើងត្រូវលះបង់អ្វីមួយ ដើម្បីអាទិភាពមួយផ្សេងទៀតដែលខ្ពស់ជាង” អ្នកម្ដាយកូន២ឲ្យដឹង។ នាងក៏បន្ថែមដែរថា ទោះបីជាមានអ្នកជួយមើលកូនក៏ពិតមែន តែនៅពេលនាងបានមើលឃើញកូនផ្ទាល់ទើបនាងទុកចិត្ត ដូចនេះហើយ នាងនៅមិនទាន់ទទួលគម្រោងរឿងថ្មីបាននៅឡើយ៕