ជារៀងរាល់ថ្ងៃនេះតើអ្នកមានដឹងទេថាដៃគូរបស់អ្នកមានអារម្មណ៍យ៉ាងណាចំពោះអ្នក និងស្រឡាញ់អ្នកដល់កម្រិតណាហើយ? ជាទូទៅអ្នកប្រាកដជាអាចដឹងបានតាមរយៈពាក្យសំដី និងសកម្មភាពប្រចាំថ្ងៃរបស់ពួកគាត់បាន ពីព្រោះការប្រព្រឹត្តិគឺភាគច្រើនច្រើនត្រូវបានធ្វើជាងការប្រើពាក្យសម្ដីនៅក្នុងទំនាក់ទំនងស្នេហា។

ទំនាក់ទំនងគឺប្រៀបបានដូចជាផ្កាមួយថូអញ្ចឹង បើអ្នកយកចិត្តទុកដាក់ថែទាំឲ្យបានដិតដល់នោះ វានឹងលូតលាស់បានល្អមានផ្ការីកស្រស់បំព្រង តែបើអ្នកព្រងើយកន្តើយវិញ វានឹងគ្រាមស្វិតស្រពោនរហូតដល់ស្លាប់។ វាដូចគ្នាទៅនឹងទំនាក់ទំនងស្នេហារបស់អ្នកដែរ អ្នកត្រូវតែផ្តល់ការយកចិត្តទុកដាក់ និងផ្ដល់ក្តីស្រឡាញ់ឲ្យបានច្រើនទៅកាន់ដៃគូប្រសិនបើអ្នកចង់បានទំនាក់ទំនងរបស់អ្នកឲ្យគង់វង្សយូរអង្វែង និងមានសុភមង្គល។

ប្រសិនបើដៃគូរបស់អ្នកនិយាយឬធ្វើរឿងទាំងនេះឡើងវាបង្ហាញយ៉ាងច្បាស់ណាស់ថាគាត់ពិតជាគោរពឲ្យតម្លៃ យកចិត្តទុកដាក់ស្រឡាញ់អ្នកខ្លាំងណាស់៖

• ការប្រើពាក្យស្រឡាញ់ជាមួយគ្នាឲ្យបានញឹកញាប់ និងអាចជារៀងរាល់ថ្ងៃ
• ការទិញផ្កាឬរបស់អ្វីឲ្យដៃគូរបស់អ្នក ឬក៏ផ្ញើឲ្យគាត់ដោយគ្មានហេតុផល
• ការជួយកិច្ចការងារផ្ទះគ្នាជាប្រចាំដោយមិនចំបាច់ការសុំជំនួយពីដៃគូរបស់អ្នកឡើយ
• ការយកចិត្តទុកដាក់ស្តាប់ និងនិយាយប្រាស្រ័យទាក់ទងជាមួយគ្នាដោយបើកចំហ
• ការផ្ដល់ក្ដីស្រឡាញ់ផ្នែករាងកាយដូចជាការឱបអ្នកជាញឹកញាប់នឹងជាប្រចាំដោយគ្មានពេលវេលាឬហេតុផល
• និងការរៀបចំផែនការទៅក្រៅញ៉ាំអាហារជាលក្ខណៈបែបរ៉ូមែនទិក ទោះបីជាអ្នកមានកូនហើយក៏ដោយ

ត្រូវប្រាកដថាអ្នកបានខិតខំព្យាយាមធ្វើការបង្ហាញអំពីក្ដីស្រឡាញ់របស់អ្នកចំពោះដៃគូរបស់អ្នកឲ្យបានច្រើន។ ការបញ្ជាក់ពីក្ដីស្រឡាញ់របស់អ្នកចំពោះដៃគូមិនចាំបាច់ទាល់តែមានកាដូដែលមានតម្លៃរាប់ពាន់ ឬរបស់របរទំនើបៗនោះទេ។ ការគោរពឲ្យតម្លៃគ្នាដោយគ្មានលក្ខខណ្ឌ ការយកចិត្តទុកដាក់នឹងជាមនុស្សម្នាក់ដែលការពារអ្នកគ្រប់ពេលវេលាគឺជាសេចក្តីស្រឡាញ់ពិតៗដែលអ្នកត្រូវាការ និងចង់បាននៅក្នុងទំនាក់ទំនងស្នេហារបស់អ្នកទាំងពីរ៕

ចុចអានបន្ត៖ វិធីសាស្ត្រល្អៗ ដែលអាចជួយលើកទឹកចិត្តកុមារឲ្យមានការតស៊ូ