កំពូលតារាសម្ដែងស្រីជប៉ុនត្រូវសង្សារមហាសេដ្ឋីបែកគ្នា ព្រោះជាមនុស្សប្រមឹកខួប
- 2022-05-13 02:25:00
- ចំនួនមតិ 0 | ចំនួនចែករំលែក 0
កំពូលតារាសម្ដែងស្រីជប៉ុនត្រូវសង្សារមហាសេដ្ឋីបែកគ្នា ព្រោះជាមនុស្សប្រមឹកខួប
បណ្ដាញព័ត៌មានក្នុងស្រុកបានឲ្យដឹងថា អ្នកជំនួញអចលនទ្រព្យ Hiroyuki Sugimoto បានសុំតារាសម្ដែងស្រីល្បីឈ្មោះជប៉ុន Fukada Kyoko បែកគ្នា ដោយសារតែការញៀនស្រារបស់នាង។
កាលពីថ្ងៃទី ១២ ខែឧសភាមុននេះ បណ្ដាញព័ត៌មាន Josei Seven បានឲ្យដឹងថា តារាសម្ដែងស្រីលំដាប់ A ជប៉ុន Fukada Kyoko បានបែកគ្នាជាមួយមិត្តប្រុសហើយ ដោយសារតែកែទម្លាប់ញៀនស្រារបស់ខ្លួនឯងមិនបាន។
ប្រភពដដែលបានឲ្យដឹងថា កាលពីចុងខែមេសា អ្នកកាសែតបានប្រទះឃើញ តារាស្រីរូបនេះ និងមហាសេដ្ឋីអចលនទ្រព្យ Hiroyuki Sugimoto ឈ្លោះប្រកែកគ្នានៅមុខក្លឹបរាត្រីមួយសម្រាប់សិល្បករ។ អ្នកស្គាល់គ្នារបស់ អគ្គនាយកក្រុមហ៊ុនអចលនទ្រព្យ Syla Holdings បានសម្រេចចិត្តផ្ដាច់ទំនាក់ទំនងស្នេហា ក្រោយការឈ្លោះប្រកែកនេះ។
មិត្តភ័ក្ដិរបស់តារាសម្ដែងស្រីអាយុ ៣៩ឆ្នាំ ញៀនស្រាតាំងពីយូរ តែមួយរយៈចុងក្រោយគឺផឹកកាន់តែច្រើន ដោយក្រោកពីគេងគឺផឹកស្រាសាំប៉ាញហើយ។ នៅពេលយប់ គឺនាងផឹកស្រាពីព្រលប់ ដល់ល្ងាចថ្ងៃបន្ទាប់។ ពេលធ្វើការ នាងក៏យកពេលសម្រាកថ្ងៃត្រង់ទៅផឹកស្រាដែរ។
ស្រលាញ់គ្នា៣ឆ្នាំ អ្នកទាំងពីរក៏ធ្លាប់គិតដល់មង្គលការ តែក៏ផ្អាកវិញ ដោយសារខាងប្រុសមិនអាចទទួលយកចរិតញៀនស្រារបស់មិត្តស្រីបាន។ ខែឧសភា ឆ្នាំ២០២១ Fukada ប្រកាសផ្អាកថតរឿងដោយសារជម្ងឺមិនអាចគ្រប់គ្រងអារម្មណ៍ខ្លួនឯងបាន៕