សម្រស់ស្អាតឥតទាស់ តែការសម្ដែងរបស់ Angelababy ក្នុងរឿងសាមកុក ជំនាន់ថ្មី ត្រូវគេឲ្យតម្លៃទាប

2022-05-10 03:30:00
ចំនួនមតិ 0 | ចំនួនចែករំលែក 0

នៅក្នុងគម្រោងខ្សែភាពយន្តភាគថ្មី ការវាយតម្លៃខ្ពស់លើសម្រស់របស់តារាសម្ដែងស្រីជួរមុខចិន Angelababy តែសមត្ថភាពរបស់នាងនៅមួយកន្លែង។

កាលពីថ្ងៃទី ៤ ខែឧសភាកន្លទៅនេះ បណ្ដាញព័ត៌មាន Sina បានរាយការណ៍ថា ខ្សែភាពយន្តភាគបែបប្រវត្តិសាស្ត្រចិន The Wind Blows from Longxi ដែលយកលំនាំតាមរឿងសាមកុក ត្រូវបានចាក់ផ្សាយនៅប៉ុស្តិ៍ទូរទស្សន៍ជាតិចិន CCTV8។ រឿងប្រមូលផ្ដុំទៅដោយ តារាលំដាប់ A ជាច្រើនដូចជា Chen Kun, Bai Wu, Sun Yi និង Angelababy ជាដើម។

នៅក្នុងរឿង Baby សម្ដែងជាគិញសម្ងាត់របស់នគរ Wei។ ទោះបីជាខាងក្រៅមើលទៅទន់ភ្លន់ ស្រគត់ស្រគុំមែនពិត តែតាមការពិតនាងគឺជាឃាតករម្នាក់។

ដោយសារតែជារឿងយុទ្ធសាស្ត្រសង្គ្រាម ដូចនេះហើយ រឿងមានតួស្រីតិចបំផុត ដូចនេះ អ្នកម្ដាយកូន១ទទួលបានការចាប់អារម្មណ៍ពិសេស។ ទោះបីជាសម្រស់របស់តារាកើតឆ្នាំ ១៩៨៩ ត្រូវបានគេសរសើរមិនដាច់ពីមាត់មែនពិត តែមនុស្សជាច្រើនបានរិះគន់សមត្ថភាពសម្ដែងរបស់នាង។

ប្រៀបធៀបនឹង Sun Yi ដែលជារៀមប្អូននោះ ទស្សនិកជនបានលើកឡើងថា ស្រីស្អាតអាយុ ៣៣ឆ្នាំ មានការសម្ដែងខ្សោយណាស់ គឺនៅដដែរ ទោះសម្ដែងច្រើនឆ្នាំហើយក៏ដោយ ដែលធ្វើឲ្យរឿងបាត់បង់គុណភាព ត្បិតរឿងនេះផ្ដោតលើសមត្ថភាពសម្ដែងខ្លាំង៕