PSY មិនអាចឈ្នះ Bigbang ទោះបទថ្មីមានវត្តមានរបស់ Suga ក៏ដោយ

2022-05-04 03:05:00
ចំនួនមតិ 0 | ចំនួនចែករំលែក 0

បទចម្រៀងចំណងជើង That That របស់កំពូលតារាចម្រៀបប្រុសកូរ៉េ PSY មិនអាចឡើងគ្រងតំណែងលេខមួយលើគេហទំព័រ Melon ព្រោះជួបការប្រជែងរបស់ ក្រុមចម្រៀងរៀមប្អូន BigBang។

កាលពីថ្ងៃទី ២ ខែឧសភា កន្លងទៅនេះ បណ្ដាញព័ត៌មាន Sports DongA បានរាយការណ៍ថា បទចម្រៀងចម្បងឈ្មោះ That That ស្ថិតក្នុងអាល់ប៊ុមថ្មី របស់តារាចម្រៀងប្រុសជួរមុខកូរ៉េ PSY ជាប់ចំណាត់ថ្នាក់លេខ ៧ នៅលើ Melon គេហទំព័រចម្រៀងធំជាងគេរបស់កូរ៉េ។ នៅលើតារាងចម្រៀងផ្សេងៗទៀត បទនេះបានឈរត្រឹមលំដាប់ថ្នាក់ Top 10។

ខុសប្លែកពីលើកមុនៗ ដែលរាល់បទរបស់ម្ចាស់បទ Gangnam Style សុទ្ធតែជាប់លេខ១នោះ លើកនេះដោយសារតែប៉ះទង្គិចជាមួយក្រុមល្បីដូចជា Bigbang, Ive និង Red Velvet ដែលធ្វើឲ្យលោកមិនអាចឈានដល់កំពូលបាន ទោះបីជាបទថ្មីមានការចូលរួមពីកំពូលតារាប្រុស Suga សមាជិកក្រុម BTS។

អ្នកវិភាគឲ្យដឹងថា មូលហេតុចម្បងនោះគឺ ៧ឆ្នាំមកហើយ ទើប Bigbang ត្រលប់មកកាន់ឆាកចម្រៀងវិញ ហើយលើកនេះក៏អាចជាលើកចុងក្រោយដែលពួកគេច្រៀងជាក្រុមទើបទស្សនិកជនសម្រុកស្ដាប់បទរបស់ Bigbang ច្រើនជាង៕