ក្នុង​វិស័យ​បាល់​ទាត់ មាន​នារី​តិច​​ណាស់​ដែល​ចាប់​អារម្មណ៍​លើ​វិស័យ​នេះ។ ​យ៉ាង​ណា​ក្តី គេ​នៅ​តែ​សង្កេត​ឃើញ​ថា​ មាន​​​នារី​ជា​ច្រើន​បាន​ហក់​ចូល​ក្នុង​វិស័យ​នេះ ពិសេស​យុវនារី​វ័យ​ក្មេង ​រហូត​ក្លាយ​ជា​កីឡារីនី​ឆ្នើម។ ​ក្នុង​នោះ រួម​មាន​៖​

១. Lena Oberdorf, MID (អាយុ១៩ឆ្នាំ)

​ក្នុង​បទសម្ភាស​ជាមួយ​ប៉ុស្ត៍ ESPN ​កីឡាករ​ឆ្នើម​ Dzsenifer Marozsan ក្នុង​ប្រទេស​អាល្លីម៉ង់​ត្រូវ​បាន​គេ​ចោទសួរ​ថា ​សម្រាប់​អ្នក​យល់​ថា​តើ​នាពេលអនាគត នរណា​ជា​កីឡាការីនី​បាល់​ទាត់​ឆ្នើម​ ?ពេល​នោះ​នាង​បាន​ឆ្លើយ​ដោយ​គ្មាន​ការ​ស្ទាក់​ស្ទើរ​ថា ​នោះ​គឺ " Lena Oberdorf ​​ដែល​ជា​កំពូល​​កីឡាការីនី ​នៅ​ក្នុង​ក្រុម Martina Voss Tecklenburg បន្ទាប់​ពី​នាង​បាន​​ចូល​រួម​ការ​ប្រកួត World Cup 2019 ។ Lena Oberdorf ​មាន​អាយុ​ ១៩​ឆ្នាំ ​មក​ពី​ក្លឹប Wolfsburg ។

នាង​អាច​ជា​កីឡាការីនី​វ័យ​ក្មេង​ដែល​ទទួល​បាន​ការ​សរសើរ​នៅទ្វីបអឺរ៉ុប ហើយ​នាង​​ធ្លាប់​ជា​ជើង​ឯក​រង​នៃ​ក្រប​ខណ្ឌ Champions League ផង​ដែរ។ លើស​ពី​នេះ ​កាល​ពី​ឆ្នាំ ២០១៧ នាងជា U-17 ដែល​ឈ្នះ​ការប្រកួត ហើយ​ត្រូវ​បាន​គេ​បោះ​ឆ្នោត​ជា​កីឡាការីនី​​លេង​ល្អ​បំ​ផុត​។ ពួក​គេ​សរសើរ​ពី​កាយ​សម្បទា​របស់​កីឡារីនី​វ័យក្មេង Oberdorf ​ជា​ទី​បំ​ផុត ហើយ​ខ្លួន​នាង​ផ្ទាល់​ក៏​បាន​លើក​ឡើង​ថា ​ការ​​មាន​ឱកាស​បាន​ចូល​រួម​ច្រើន​ពី​កា​រ​ប្រកួត​បា​ន​​ធ្វើ​ឲ្យ​នាង​កាន់​តែ​រីក​ចម្រើន​ឡើង​ៗ។

២. Jordyn Huitema, FW (អាយុ ២០ឆ្នាំ)

​បើ​អ្នក​ទៅ​លេង​ប្រទេស​កាណាដា អ្នក​អាច​នឹង​លឺ​​ពីភាព​អស្ចារ្យ​នៃ​ការ​ស៊ុត​បាល់​បញ្ចូល​ទី​នៅ​វិនាទី​ចុ​ង​ក្រោយ​​របស់​ក្មេង​ស្រី​ម្នាក់​កាល​ពី​នាង​នៅអាយុ​១៥​ឆ្នាំ ​នៃ​ការ​ប្រកួត​កម្រិត​អន្តជាតិ ដែល​គួរ​ឲ្យ​ភ្ញាក់​ផ្អើល​យ៉ាង​ខ្លាំង ប្រៀប​ដូច​ជា​រឿង​និទាន​អ៊ី​ចឹង​ដែរ។ នោះ​គឺកីឡាការីនី Huitema ដែលសព្វ​ថ្ងៃ​មាន​អាយុ ២០ឆ្នាំ លេង​នៅ​ក្លឹប Paris Saint-Germani។

នៅ​ឆ្នាំ 2017 ​នាង​បាន​ក្លាយ​ជា​កីឡារីនី​ដែល​ជួយ​រក​ពិន្ទុ​​ឲ្យ​ U-17 ក៏​ដូច​ជា U-20 និង​ក្រុម​ផ្សេង​ៗ​ទៀត​ផង​ដែរ។ Huitema បាន​សម្រេច​ចិត្ត​បោះបង់ការសិក្សា​ដើម្បី​មាន​ពេល​ផ្តោត​លើ​វិស័យ​កីឡា​ឲ្យ​​បាន​គ្រប់​គ្រាន់ ដោយ​នាង​បាន​ចុះ​កិច្ច​សន្យា​ជាមួយ​ Paris Saint-Germain ​​កាល​ពី​ឆ្នាំ ២០១៩ ហើយ​ពេល​នោះ​នាង​បាន​ក្លាយ​ជា​អ្នក​រក​គ្រាប់​បាល់​​បាន​ច្រើន​បំ​ផុត​ក្នុង​រដូវ​កាល Champions League ​។ លើស​ពី​នេះ ​នាង​កំពុង​ឈាន​​ដល់​ការ​កាន់​កាប់ Division 1 Feminine ​ផង​ដែរ។

៣. Lauren Hemp, FW ( អាយុ ២០ ឆ្នាំ)

Hemp បច្ចុប្បន្ន​កំពុង​បម្រើ​នៅ​ក្លឹប Manchester City ដោយ​​ដំបូង​ឡើយ នាង​បាន​បង្ហាញ​ខ្លួន​​នៅ WSL ​ដោយ​ពេល​នោះ​នាង​បាន​ឈ្នះ​ចំនួន​២​ដង​នូវ​​ក្នុង​កា​រ​ប្រកួត​នៃ​សមាគម​កីឡាបាល់ទាត់អាជីព (PFA) ​សម្រាប់​​ក្រុម​យុវជន​​វ័យ​ក្មេង តទល់​នឹង U-20 ​ពាន​រង្វាន់ World Cup ​ដោយ​ទទួល​​បាន​មេដាយ​ប្រាក់ ដោយ​ឈ្នះ FA Cup។ ថ្វីត្បិត​តែ​ពេល​នោះ Hemp ​បាន​រង​របួស​ក្នុង​រដូវ​កាល​ប្រកួត​ក៏ដោយ ​តែ​នាង​នៅ​តែ​ជម្រុញ​ធ្វើ​ឲ្យ​ Manchester City ​ឈាន​ទៅ​​រក​ការ​ឈ្នះ​ពាន។ ក្មេងស្រី​អាយុ​២០​ឆ្នាំ​រូប​នេះ ​ត្រូវ​បាន​គេ​ចាត់​ទុក​ជា​កីឡាការីនី​ឆ្នើម​លើ​ទីលាន​វាល​ស្មៅ ដែលពិបាកតទល់​ក្នុង​ស្ថានភាព​មួយ​ទល់​មួយណាស់​​៕​​

ប្រសិនបើអ្នកចាប់អារម្មណ៍កម្មវិធីជុំរុំបាល់ទាត់នារីដំបូងបង្អស់នៅកម្ពុជា អាចណែនាំប្អូនស្រី ក្មួយស្រី កូនស្រី របស់អ្នកមានអាយុ ៦ -១២ឆ្នាំ ចូលរួមចុះឈ្មោះជាមួយ GO FC តាមដំណនេះ Link សូមបញ្ជាក់ កម្មវិធីជំរុំបាល់ទាត់ នឹងរៀបចំនៅថ្ងៃ ២៩ ឧសភា ម៉ោង ៤- ៦:៣០ល្ងាច នៅទីលាន CIS Roller Dome។ ចុះឈ្មោះមុន ដើម្បីចូលរួមវគ្គហ្វឹកហាត់ជាមួយ GO FC