ភេសជ្ជះដែលផ្សំពីស្លឹកជីអង្កាម និង ទឹកក្រូចឆ្មារនេះអាចជួយបន្សុតរាងកាយ បណ្ដេញជាតិពុលពីក្នុងថ្លើមយ៉ាងមានប្រសិទ្ធិភាព សុខភាពរាងកាយទាំងមូលក៏ប្រសើរជាងមុនច្រើន។ ក្នុងក្បួនវិជ្ជសាស្ត្របុរាណ ជីអង្កាមមានរសជាតិហឹរ ត្រជាក់ មានក្លិនក្រអូប មានប្រសិទ្ធភាពកំចាត់កំដៅ កាត់បន្ថយគ្រុនក្តៅ ជួយរំលាយអាហារបានល្អ ព្យាបាលឈឺពោះ ហើម ប្រឆាំងការរមាស់ ជាដើម។

ក្រូចឆ្មា​ក៏​ជា​អាហារ​ដែល​គេ​និយម​ប្រើ​ដើម្បី​បន្សាប​ជាតិពុល​ក្នុង​រាង​កាយ។ ក្រូចឆ្មាមានផ្ទុកនូវវីតាមីន A, C, B1, B6 ជាច្រើន ដែលសម្បូរទៅដោយសារធាតុរ៉ែ ប៉ូតាស្យូម សារធាតុ bioflavonoids អាស៊ីតហ្វូលិក ម៉ាញេស្យូម pectin ផូស្វ័រ កាល់ស្យូម។ អស់រយៈពេលជាយូរមកហើយមនុស្សនៅតែប្រើទឹកក្រូចឆ្មាដើម្បីជំរុញការបន្សាបជាតិពុលធ្វើឱ្យមានតុល្យភាពកម្រិត pH នៅក្នុងខ្លួន។ ជាផ្លែឈើដែលសម្បូរទៅដោយវីតាមីន C ការប្រើប្រាស់ក្រូចឆ្មារជាប្រចាំក៏អាចជួយដុតបំផ្លាញជាតិខ្លាញ់ និងយកកាកសំណល់ជីវគីមីចេញពីរាងកាយផងដែរ។

គ្រឿងផ្សំ៖

• ក្រូចឆ្មាមួយ
• ក្រូចមួយផ្លែ
• ស្លឹកជីអង្កាមស្រស់មួយក្តាប់តូច
• ទឹកស្អាត ១ លីត្រ
• ទឹកឃ្មុំ

របៀបធ្វើ៖

• ចាក់ទឹកចូលក្នុងឆ្នាំង ដាក់លើចង្ក្រានឱ្យឆ្អិន
• បន្ថែមស្លឹកជីអង្កាម ដាំឱ្យពុះប្រហែល ៥ នាទី
• បន្ទាប់មក​យក​ចេញពី​ចង្ក្រាន ហើយ​ទុក​ឱ្យ​ត្រជាក់
• ដាក់​ទឹក​ក្រូច ទឹកក្រូច​ឆ្មា និង​ក្រូចឆ្មារ​បន្តិច​ចូល​ក្នុង​ឆ្នាំង​ទឹក​ខាងលើ
• បន្ថែមទឹកឃ្មុំមុនពេលទទួលទាន

ភេសជ្ជៈនេះទទួលទានក្តៅ ឬត្រជាក់តាមចំណង់ចំណូលចិត្ត។ ថ្លើមរបស់អ្នកនឹងត្រូវបានសម្អាត ហើយក្រពះ និងប្រព័ន្ធរំលាយអាហាររបស់អ្នកក៏នឹងត្រូវបានបន្សាបជាតិពុលយ៉ាងមានប្រសិទ្ធភាពផងដែរ។