ប៉ះគ្នាលើឆាកតែមួយ Davika ជាមួយ Baifern អ្នកណាលេចធ្លោជាង?

2022-04-04 07:40:00
ចំនួនមតិ 0 | ចំនួនចែករំលែក 0

មានវត្តមាននៅក្នុងកម្មវិធីប្រគល់រង្វាន់ដ៏ធំ កំពូលតារាសម្ដែងស្រីថៃ Mai Davika និង Baifern Pimchanok បានធ្វើឲ្យអ្នកគាំទ្រអត់នឹងមិនសរសើរមិនបានជាមួយសម្រស់របស់ខ្លួន។

កាលពីថ្ងៃទី ២ ខែមេសាកន្លងទៅនេះ បណ្ដាញព័ត៌មាន Nine Entertain បានរាយការណ៍ថា កម្មវិធីប្រគល់ពានរង្វាន់ Kom Chad Luek លើកទី១៨ ត្រូវបានប្រព្រឹត្តឡើងនៅទីក្រុងបាងកក ប្រទេសថៃ ដោយមានការចូលរួមយ៉ាងច្រើនកុះករពីសំណាក់ សិល្បករ សិល្បការិនី។

យ៉ាងណាក្ដី តារាស្រីជួរមុខទាំងពីរដែលទាក់ទាញបានការចាប់អារម្មណ៍ខ្ពស់ជាងគេនោះ គឺកំពូលតារាសម្ដែងស្រី Baifern Pimchanok និង Mai Davika។ បង្ហាញមុខ លើកម្រាលព្រំក្រហម តួរឿង Pee Nak ជ្រើសយកស្ទីលសិចស៊ី បង្ហាញល្វែងខាងលើ រំលេចទៅដោយរោមសត្វ ទាក់ទាញគ្រប់ក្រសែភ្នែក។

ផ្ទុយមកវិញ តួរឿង The Con Heartist ជ្រើសយករ៉ូបខ្លី បង្ហាញល្វែងក្រោយខ្នងវិញ ដែលធ្វើឲ្យគ្រប់គ្នាឈ្លក់វង្វេង។ ទោះបីជារ៉ូបមានភាពស្រគត់ស្រគុំជាង មិត្តរួមអាជីពខាងលើក៏ដោយ តែ Baifern នៅតែទទួលការសរសើរមិនដាច់ពីមាត់។ ឆ្លើយតបនឹងអ្នកកាសែត ស្រីស្អាតទាំងពីរសុទ្ធតែបានឲ្យដឹងថា ខ្លួនមិនទាន់រកបានគម្រោងថ្មីនៅឡើយទេ គឺកំពុងនៅជ្រើសរើសនៅឡើយ៕