ទោះជាពេលនៅលីវមិនសូវជាមានជីវភាពធូរធារមែនពិ តែពេលដែលរៀបការរួចមានតែលាភសំណាងហូរចូលមិនដែលខាន៖

កុរ

អ្នកដែលកើតឆ្នាំកុរភាគច្រើនជាមនុស្សមានសន្តានចិត្តល្អ មិនថាមនុស្សធ្លាប់ខុសយ៉ាងណានោះទេ ក៏ពួកគេតែងតែមិនយកការធ្វើខុសម្ដងនោះ មកវាយតម្លៃមនុស្សម្នាក់នោះនោះទេ។ ពួកគេសប្បាយចិត្តណាស់នៅពេលដែលបានជួយយកអាសារអ្នកដទៃ តាមដែលខ្លួនអាចធ្វើទៅបាន។ ភាគច្រើនទុក្ខលំបាកដែលអ្នកកើតឆ្នាំនេះជួបប្រទះក៏ដោយសារតែ មិនអាចហាមាត់បដិសេដពេលដែលអ្នកដទៃពឹងពាក់មក តែទោះជាយ៉ាងណាជីវិតរបស់ពួកគេក៏មានការកែប្រែយ៉ាងខ្លាំងក្រោយពេលរៀបការរួច ព្រោះតែចេះមានគំនិតចង់មានចង់បាន ហើយចេះសន្សំសំចៃយ៉ាងល្អ។

រោង

អ្នកដែលកើតឆ្នាំនេះភាគច្រើនជឿជាក់ណាស់រឿងគូព្រេង និង ស្នេហាពិតនេះ។ ពេលជួបប្រទះនឹងបញ្ហាម្ដងៗ ពួកគេតែងសំលឹងមើលបញ្ហាទាំងនោះថាជាឱកាសសម្រាប់កសាងខ្លួន និង រៀនបានកាន់តែច្រើនពីជីវិតថែមទៀត ហេតុនេះហើយការកែប្រែខ្លួនបែបនេះសន្សំបន្តិចម្ដងៗ ប្រាកដជាលេចចេញជាផ្លែផ្កាមិនខាន។ តាំងតែពីក្មេងៗមក អ្នកដែលកើតឆ្នាំរកាមិនចូលចិត្តនៅស្ងៀមនោះទេ បើអាចធ្វើអ្វីដែលអាចអោយខ្លួនរៀនសូត្របាននោះក៏តស៊ូទាំងមិនខ្លាចនឿយហត់។ ដល់ពេលដែលដល់អាយុរៀបការ ពួកគេក៏ក្លាយជាមនុស្សចាស់ទុំ មានការគិតគូរបានយ៉ាងជ្រៅជ្រះ គួបផ្សំនឹងការជ្រើសរើសដៃគូបានយ៉ាងសក្តិសមថែមទៀត។

រកា

ចំពោះរឿងការងារ គ្មាននរណាដែលខិតខំប្រឹងប្រែងតស៊ូ ជាងអ្នកដែលកើតឆ្នាំរកានេះនោះទេ ធ្វើអោយមុខដំណែងក៏ឡើងជាបន្តបន្ទាប់ ទៅតាមសមត្ថភាពផ្ទាល់ខ្លួនរបស់ពួកគេ។ ក្នុងក្រសែភ្នែកអ្នកដទៃ អ្នកដែលកើតឆ្នាំនេះជាមនុស្សដែលងប់នឹងការងារខ្លាំង មិនសូវជាខ្វល់ខ្វាយ និង គិតគូរពីរឿងស្នេហាអីនោះទេ តែនេះក៏អាចបានន័យថា មនុស្សដែលអាចអោយពួកគាត់ពេញចិត្តបានច្បាស់ជាមនុស្សមិនធម្មតានោះទេ។