Bosco Wong ត្រូវបិទហាងព្រោះរកស៊ីឡុងចុង ខាតជាង១០ម៉ឺនដុល្លារត្រឹម៣ខែ

2022-03-09 03:34:00
ចំនួនមតិ 0 | ចំនួនចែករំលែក 0

កំពូលតារាសម្ដែងប្រុសហុងកុង Bosco Wong លោកលែងមានលទ្ធភាពដើម្បីបន្តបើកភោជនីយដ្ឋានទៀតហើយ ព្រោះខាតច្រើនពេកដោយសារជំងឺកូវីដ១៩។

កាលពីថ្ងៃទី ៦ ខែមីនាកន្លងទៅនេះ បណ្ដាញព័ត៌មាន HK01 បានរាយការណ៍ថា តារាសម្ដែងប្រុសល្បីឈ្មោះហុងកុង Bosco Wong បានប្រកាសបិទកម្រងភោជនីយដ្ឋាននានារបស់ខ្លួននៅទីក្រុងហុងកុងហើយ។ ការសម្រេចចិត្តរបស់តួរឿង Line Walker ត្រូវបានធ្វើឡើងក្រោយរដ្ឋាភិបាលទីក្រុងហុងកុងសម្រេចឲ្យបិទហាងនានាមិនឲ្យដំណើរការរហូតដល់ថ្ងៃទី ២០ ខែមេសា ព្រោះជំងឺកូវីដ១៩កើនឡើងខ្លាំងពេក។

ចែករំលែកជាមួយប្រភពខាងលើ ប្រុសស្អាតអាយុ ៤១ឆ្នាំបានឲ្យដឹងថា ត្រឹម៣ខែដំបូងនៃឆ្នាំនេះ លោកបានខាតអស់១៣ម៉ឺនដុល្លារហើយ។ មុននោះដែរ លោកបានបង្វិលលុយផ្សេងៗដើម្បីទប់ចំណាយនៃហាងនេះដែរ តែពេលនេះលោកទប់លែងបានទៀតហើយ ទើបបង្ខំចិត្តបិទហាងតែម្ដង។

“នេះគឺជាការសម្រេចចិត្តដ៏ពិបាកមួយ តែមួយរយៈនេះចំណូលពីសិល្បៈរបស់ខ្ញុំក៏ធ្លាក់ចុះដូចគ្នា ដូចនេះខ្ញុំលែងមានសមត្ថភាពដើម្បីទប់ទល់ជាមួយហាងទៀតហើយ” Bosco Wong ឲ្យដឹង៕