ភាពស្រស់ស្អាតរបស់ស្ត្រីមិនមែនស្ថិតតែនៅលើការស្លៀកសម្លៀកបំពាក់ស្អាតៗ ការតុបតែងមុខ ឬក៏ការប្រើប្រាស់របស់ទំនើបៗនោះទេ សម្រស់ពិតរបស់ស្ត្រីត្រូវបានគេរកឃើញថា វាជាការយកចិត្តទុកដាក់ដែលនាងផ្តល់ឲ្យអ្នកដទៃដោយក្ដីស្រឡាញ់ ចំណង់ចំណូលចិត្តដែលនាងបង្ហាញ អកប្បកិរិយាមារយាទ និងអតចរឹតរបស់នាងគឺជាសម្រស់មួយដែលចេញមកពីខាងក្នុងមកក្រៅ វាជាភាពស្រស់ស្អាតរបស់ស្ត្រីដែលបុរសៗមិនអាចបំភ្លេចបាន។

តើអ្នកធ្លាប់បានដឹងទេថាហេតុអ្វីបានជាមនុស្សស្រីល្អៗតែងតែនៅលីវ ឬក៏ខ្វះមិត្តភក្ដិនោះ? ស្ត្រីល្អភាគច្រើនទទួលរងការឈឺចាប់ដោយសារការឆ្លៀតឱកាសកេងប្រវ័ញ្ច ការទម្លាក់កំហុស ហើយនិងការមើលងាយជាញឹកញាប់ ហើយភាគច្រើននោះគឺពួកគេមានការនឿយហត់ ភាពធុញទ្រាន់ទៅនឹងការណាត់ជួបជាមួយមនុស្សមិនល្អ និងការព្យាយាមរកមិត្តសម្លាញ់ពីម្នាក់ទៅម្នាក់ទៀត។

ទាំងនេះគឺជាគុណសម្បត្តិ ៤ យ៉ាងរបស់ស្ត្រីដែលធ្វើឲ្យមនុស្សជុំវិញខ្លួន ជាពិសេសនោះគឺបុរសៗមិនអាចបំភ្លេចនាងបាន៖

• ទឹកចិត្តល្អនឹងសេចក្ដីសប្បុរសធម៌របស់នាង និងការជួយយកអាសារបស់នាងចំពោះអ្នកដទៃ
• ការគិតទៅលើភាពវិជ្ជមានរបស់នាងជាប្រចាំ និងចំណេះដឹងច្រើនអំពីជីវិត
• ការតស៊ូព្យាយាមទៅលើភាពឯករាជ្យ និងចំណង់ចំណូលចិត្តរបស់នាងទៅលើអ្វីមួយ
• ភាពស្មោះត្រង់របស់នាង ហើយនឹងសេចក្ដីស្រឡាញ់របស់នាងទៅកាន់អ្នកដទៃ និងមនុស្សជុំវិញខ្លួន

ស្ត្រីដែលមានគុណសម្បត្តិល្អភាគច្រើនជាប្រភេទមនុស្សដែលត្រូវបានអតីតដៃគូ និងមិត្តភក្តិរបស់នាងបោះបង់ចោលដោយកត្តាអ្វីមួយដែលបានកើតឡើង ប៉ុន្តែភាគច្រើននោះពួកនាងគឺជាមនុស្សដែលមានបេះដូងល្អ និងគួរឲ្យទុកចិត្តបំផុតក្នុងការរាប់អានធ្វើជាមិត្ត ឬក៏ជាដៃគូសង្សារ៕

ចុចអានបន្ត៖ គន្លឹះសំខាន់ៗក្នុងការដោះស្រាយបញ្ហាប្រចណ្ឌរបស់ដៃគូអ្នក