ការស្វែងរកដៃគូដែលខ្វល់ខ្វាយ យកចិត្តទុកដាក់ផ្គត់ផ្គង់លើកទឹកចិត្តរាល់ពេលដែលអ្នកត្រូវការមិនថានៅក្នុងកាលៈទេសៈណាក៏ដោយ ទាំងរាងកាយនឹងផ្លូវចិត្តវាមិនមែនជារឿងងាយស្រួលនោះទេ ពីព្រោះមនុស្សម្នាក់ៗមិនល្អឥតខ្ចោះនោះឡើយ ពួកគេតែងតែមានអ្វីមួយនឹងខ្វះអ្វីមួយ។

ប្រសិនបើទំនាក់ទំនងស្នេហារបស់អ្នកមិនមានដំណើរការល្អទេ តើហេតុអ្វីអ្នកត្រូវនៅទ្រាំទៀតនោះ! អ្នកអាចចាប់ផ្តើមសារជាថ្មី ជាមួយមនុស្សថ្មីដែលគេគោរពឲ្យតម្លៃអ្នក ស្រឡាញ់អ្នក និងចង់បានអ្នកជាគូអនាគតជាមួយគាត់វិញ។ ប៉ុន្តែតើអ្នកអាចដឹងទេថាតើមនុស្សដែលអ្នកគម្រោងថានឹងយកជាដៃគូជីវិតសម្រាប់ថ្ងៃអនាគតនោះគឺជាគាត់មែនឬក៏អត់?

ប្រសិនបើគេនោះធ្វើឬមានចំណុចទាំង ៥ ខាងក្រោមនេះ វាអាចបញ្ជាក់បានយ៉ាងច្បាស់ថាគាត់ពិតជាសក្កសមជាដៃគូអនាគតរបស់អ្នក៖

• គាត់យកចិត្តទុកដាក់ខ្លាំងរាល់ពាក្យពេចជ៍ដែលអ្នកបាននិយាយទៅកាន់គាត់ ឬបានប្រាប់គាត់
• គាត់តែងតែផ្តល់ភាពស្មោះត្រង់ជានិច្ចរាល់ការនិយាយ និងការធ្វើសកម្មភាពនានាមកកាន់អ្នក
• គាត់គឺជាមនុស្សដែលផ្តល់ភាពកក់ក្តៅ និងសុវត្ថិភាពដល់អ្នកគ្រប់ពេលវេលានឹងគ្រប់ទីកន្លែង
• គាត់តែងតែលើកទឹកចិត្តអ្នកគ្រប់ពេលវេលា គ្រប់កាលៈទេសៈដែលអ្នកត្រូវការជំនួយ
• គាត់តែងតែចំណាយពេលសម្រាប់អ្នកជានិច្ច បើទោះបីជាគាត់រវល់យ៉ាងណាក៏ដោយ

វាពិតជាពិបាកណាស់ក្នុងការស្វែងរកដៃគូដ៏ល្អម្នាក់ តែប្រសិនបើអ្នកបានកត់សម្គាល់រកឃើញថាមាននរណាម្នាក់ដែលគាត់ធ្វើរឿងទាំង ៥ ខាងលើនេះជាប្រចាំ គាត់ជាមនុស្សម្នាក់ដែលអ្នកអាចពឹងពាក់បានគ្រប់កាលៈទេសៈ និងធ្វើអ្វីគ្រប់យ៉ាងដើម្បីធ្វើឲ្យជីវិតរបស់អ្នកនឹងគាត់បានប្រសើរឡើងនោះ អ្នកកំពុងតែទទួលបានដៃគូដ៏ល្អហើយ ត្រូវចេះថែរក្សាឲ្យបានគង់វង្ស៕

ចុចអានបន្ត៖ រូបមន្តស្នេហ៍ទាំង ៥ យ៉ាងនេះនឹងធ្វើឲ្យជីវិតដៃគូរបស់អ្នកមានភាពផ្អែមល្ហែម