ហាមដាច់ខាតសែនផ្លែឈើទាំងនេះថ្ងៃចូលឆ្នាំចិន បើមិនចង់ជួបរឿងធំ
- 2022-01-27 03:15:00
- ចំនួនមតិ 0 | ចំនួនចែករំលែក 0
ហាមដាច់ខាតសែនផ្លែឈើទាំងនេះថ្ងៃចូលឆ្នាំចិន បើមិនចង់ជួបរឿងធំ
ផ្លែឈើទាំងនេះ គឺឡាក់ឆុងខ្លាំង សម្រាប់ការសែនចូលឆ្នាំចិន ដូចនេះហើយ ម្ចាស់ផ្ទះទាំងអស់ត្រូវជៀសវាងផ្លែឈើទាំងនេះ។
១. ផ្លែឈើជ័រ ឬស្ពាន់
គ្រួសារជាច្រើន ជាពិសេសគឺអ្នកមានជីវភាពមិនសូវធូរធារ តែងគិតថា ផ្លែឈើក្លែងក្លាយគឺជាជម្រើសដ៏ល្អ ត្បិតមានតម្លៃថោក ស្អាត ហើយប្រើបានច្រើនដងទៀត។ យ៉ាងណាក្ដី ប្រភេទផ្លែឈើនេះមិនគួរដាក់សែនទាល់តែសោះ ត្បិតសុទ្ធតែជាប្រភេទដែលមិនអាចបរិភោគបាន ដែលអាចនឹងនាំរឿងមិនល្អដល់គ្រួសាររបស់អ្នក។ យកល្អ បើថវិការមានកំណត់ អ្នកគួរទិញតាមលទ្ធភាព ដោយមិនចាំបាច់ទិញថ្លៃពេក តែមិនអាចដាក់ផ្លែឈើជ័របានឡើយ។
២. ផ្លែឈើទុំជ្រុល
ផ្លែឈើទុំជ្រុល តំណាងឲ្យរឿងមិនល្អ ស្អុយរលួយ ដូចនេះហើយ អ្នកមិនគួររសើផ្លែឈើដែលទុំខ្លាំងពេកនៅពេលសែនថ្ងៃចូលឆ្នាំឡើយ។ ក្រៅពីនេះ ថ្ងៃសែននេះ ភាគច្រើននឹងប្រមូលផ្ដុំទៅដោយ ផ្លែឈើចំនួនច្រើន ដូចនេះហើយ ប្រសិនបើអ្នកយកទុំពេក នោះប្រាកដជាទទួលទានមិនទាន់ ហើយនឹងត្រូវបោះបង់ចោល ធ្វើឲ្យខ្ជះខ្ជាយ។
៣. ផ្លែឈើមានបន្លា ក្លិនឆួល និងរសជាតិមិនល្អ
សម្រាប់រសជាតិ និងរូបរាងរបស់ផ្លែឈើក៏ជារឿងដែលគួរចាប់អារម្មណ៍ដូចនេះ សម្រាប់ថ្ងៃសែនធំនេះ ត្បិតមិនមែនគ្រប់ផ្លែឈើសុទ្ធតែសែនបាននោះឡើយ។ ផ្លែឈើដែលមានបន្លា ក្លិនមិនល្អ គឺហាមដាច់ខាតមិនឲ្យសែន ព្រោះអាចនឹងធ្វើឲ្យឆ្នាំថ្មី ផ្ទះរបស់អ្នកមានរឿងមិនដាច់ ធ្វើអ្វីក៏មិនរលូន។ គួរសែនផ្លែឈើដែលមានរាងមូលល្អ ហើយមិនមានរាងចម្លែក៕