ប្អូនប្រុស គឺម ចាន់ឌីស្អាតឥតទាស់ពេលបង្ហាញខ្លួនក្នុងមង្គលការ Park Shin Hye

2022-01-26 09:00:00
ចំនួនមតិ 0 | ចំនួនចែករំលែក 0

ពីក្មេងប្រុសមានរាងទ្រលុកទ្រលន់ គួរឲ្យស្រលាញ់ តារាសម្ដែងប្រុសវ័យក្មេងកូរ៉េ Park Ji Bin នៅពេលនេះសង្ហារ ព្រមទាំងមានរាងសាច់ដុំគួរឲ្យទាក់ទាញ។

កាលពីថ្ងៃទី ២៥ ខែមករាកន្លងទៅនេះ បណ្ដាញព័ត៌មាន Naver បានរាយការណ៍ថា នៅក្នុងកម្មវិធីមង្គលការតារាសម្ដែងស្រី Park Shinhye និង Choi Tae Joon កាលពីពេលថ្មីៗនេះ ប្រមូលផ្ដុំទៅដោយសិល្បករជួរមុខជាច្រើនរូប។ នៅក្នុងចំណោមតារាទាំងន៉ សិល្បករមួយរូបដែលទទួលបានចំណាប់អារម្មណ៍ពិសេសពីទស្សនិកជននោះគឺ តារាសម្ដែងប្រុស Park Ji Bin តួប្អូនប្រុសបង្កើតរបស់ គឺម ចាន់ឌីក្នុងរឿង F4 កូរ៉េ។

មានវត្តមានក្នុងមង្គលការរបស់រៀមច្បង តារាសម្ដែងប្រុសវ័យ២៦ឆ្នាំ ពាក់ឈុតអាវធំ យ៉ាងស្រស់សង្ហារ ធ្វើឲ្យគេភ្លេចថា លោកធ្លាប់ជាក្មេងតូចក្រមិចក្រមើមគួរឲ្យស្រលាញ់ កាលពីជាង១០ឆ្នាំមុន។ គេនៅចាំបានថា នៅក្នុងរឿង Boys Over Flower តារាប្រុសកើតឆ្នាំ ១៩៩៥ មិនត្រូវបានគេវាយតម្លៃខ្ពស់ពីរូបសម្បត្តិឡើយ ដោយគ្រាន់តែគេមើលឃើញថា លោកគួរឲ្យស្រលាញ់ប៉ុណ្ណោះ ដោយមិននឹកស្មានថា ពេលធំឡើង លោកសង្ហារយ៉ាងនេះទាល់តែសោះ។ ក្នុងវ័យ ២៦ឆ្នាំ សិល្បកររូបនេះ ទទួលបានការងារសិល្បៈកាន់តែច្រើន ក្រោយធំពេញវ័យ។