មុនសែនផ្លែឈើពេលចូលឆ្នាំចិន គួរដឹងអត្ថន័យរបស់ផ្លែឈើដ៏ពេញនិយមនេះសិន
- 2022-01-25 05:15:00
- ចំនួនមតិ 0 | ចំនួនចែករំលែក 0
មុនសែនផ្លែឈើពេលចូលឆ្នាំចិន គួរដឹងអត្ថន័យរបស់ផ្លែឈើដ៏ពេញនិយមនេះសិន
រាល់ការសែននីមួយៗ មិនមែនចេះតែដាក់ផ្លែឈើតាមការនឹកឃើញទេ ព្រោះផ្លែឈើខ្លះត្រូវបានហាមប្រាម។ យ៉ាងណាក្តី សម្រាប់ផ្លែឈើមួយចំនួនខាងក្រោម ជាផ្លែឈើដែលនាំមកនូវសំណាង ដែលអ្នកសែស្រលាយចិន អាចយកសែនក្នុងឱកាសឆ្នាំថ្មីនេះបាន។
១. ផ្លែក្រូចខ្វិច (តំណាងភាពសម្បូរបែប និងសុភមង្គល)
ផ្លែក្រូចមានរាងមូល ត្រូវគេប្រដូចនឹងព្រះអាទិត្យ ជាធាតុវិជ្ជមាន ដែលជានិមិត្តសញ្ញាដ៏ពិសេសបំផុតសំដៅលើភាពសម្បូរបែបនិងសុភមង្គល។ បើអ្នកបានតាំងជាដើមក្រូចតែម្តងក៏ល្អដែរ ព្រោះវាកាន់តែនាំសំណាង។ សម្រាប់ប្រពៃណីចិន គេទម្លាប់ដាកផ្លែក្រូចជាមួយអាំងប៉ាវក្បែរខ្នើយក្មេងៗ ឬដាក់ក្នុងធុងអង្ករ ដោយគេជឿថានឹងនាំលាភសំណាងដល់គ្រួសារ។
២. ក្រូចថ្លុង (តំណាងសំណាងល្អ និងសាមគ្គីគ្រួសារ)
មិនថាក្រូចថ្លុងពណ៍បៃតង ឬពណ៍ទឹកក្រូចទេ ប្រជាជនចិនបានយកមកតុបតែងផ្ទះ ឬពេលខ្លះយកទៅជាអាហារក៏មាន។ ពួកគេយល់ថា ជាផ្លែឈើដែលនាំមកនូវរឿងល្អ២ចូលមកក្នុងពេលតែមួយ ហើយក៏ជានិមិត្តសញ្ញាតំណាងនូវសាមគ្គីគ្រួសារផងដែរ។
៣. ផ្លែប៉ោម (តំណាងសុដុមរមនា និងសន្តិភាព)
ក្នុងប្រពៃណីចិន សម្រាប់ផ្លែប៉ោមក្រហមតំណាងនូវសន្តិភាព ភាពរុងរឿង សម្បូរបែប សម្រាប់ផ្លែប៉ោមពណ៍បៃតងតំណាង លុយកាក់។
៤. ផ្លែឪឡឹក(តំណាងទ្រព្យសម្បត្តិ និងវិបុលភាព)
ផ្លែឈើនេះ ត្រូវបានគេចាត់ទុកជាប្រភពនៃទ្រព្យសម្បត្តិ ភាពស៊ីសង្វាក់គ្នា ដោយសារតែវាមានផ្ទុកគ្រាប់ច្រើន។
៥. ផ្លែទំពាំងបាយជូ(តំណាងទ្រព្យសម្បត្តិ និងភ័ព្វសំណាង)
ផ្លែឈើមួយប្រភេទនេះ ត្រូវបានគេចាត់ទុកថាជាផ្លែឈើប្រណិត ដែលហូបដោយមនុស្សមានគុណធម៍។ ហេតុនេះ និមិត្តសញ្ញារបស់វា គឺទ្រព្យសម្បត្តិ ភ័ព្វសំណាងល្អ មានកូនចៅតពូជ និងរុងរឿង៕