ប្រុសស្អាតម្នាក់នេះ ធ្លាប់ត្រូវបាន Fan សរសើរថាសង្ហាឥតទាស់ កាលមិនទាន់មាន V និង Cha Eun Woo
- 2022-01-24 02:55:00
- ចំនួនមតិ 0 | ចំនួនចែករំលែក 0
ប្រុសស្អាតម្នាក់នេះ ធ្លាប់ត្រូវបាន Fan សរសើរថាសង្ហាឥតទាស់ កាលមិនទាន់មាន V និង Cha Eun Woo
កំពូលតារាចម្រៀងប្រុសកូរ៉េ V និង Cha Eun Woo សុទ្ធតែជាសិល្បករដែលមានរូបសម្បត្តិស្អាតឥតខ្ចោះ យ៉ាងណាក្ដី មុនពេលប្រុសស្អាត២រូបនេះល្បីឈ្មោះ គឺតារាប្រុសខាងក្រោមនេះហើយ ដែលស្អាតគ្មានគូប្រៀប។
កាលពីថ្ងៃទី ២០ ខែមករាកន្លងទៅនេះ បណ្ដាញព័ត៌មាន Sports Chosun បានរាយការណ៍ថា បច្ចុប្បន្ននេះ នៅពេលដែលរំលឹកដល់តារាចម្រៀងប្រុសកូរ៉េដែលមានរូបសម្បត្តិស្រស់សង្ហា គឺអ្នកគាំទ្រតែងគិតដល់ កំពូលតារាចម្រៀង V នៃក្រុមចម្រៀង BTS និង Cha Eun Woo នៃក្រុមចម្រៀង Astro ដោយប្រុសស្អាតទាំងពីរមិនដែលអវត្តមាននៅក្នុងតារាងប្រុសស្អាតជាងគេលើពិភពលោកឡើយ។
យ៉ាងណាក្ដី ប្រភពខាងលើបានឲ្យដឹងថា មុនពេលប្រុសស្អាតទាំងពីរខាងលើបង្ហាញមុខ សិល្បករដែលធ្វើឲ្យតារាដទៃអត់នឹងមិនសរសើរមិនបាននោះ កំពូលតារាចម្រៀងជំនាន់ទី២ នៃក្រុមហ៊ុនយក្ស SM Entertainment លោក Kim Jaejoong។ នៅពេលដែលសិល្បករវ័យ ៣៥ឆ្នាំបង្ហាញមុខ មនុស្សជាច្រើនបានប្រៀបធៀបលោកថា ស្អាតជាងផ្កាទៅទៀត។
រូបសម្បត្តិរបស់លោកត្រូវបានគេឃើញថា គ្មានអ្នកប្រៀបផ្ទឹមខ្លាំងជាងគេនៅពេលកម្រងរូបភាពក្នុងជួរកងទ័ពត្រូវបានគេចុះផ្សាយ ដោយទោះបីជាគ្មានការតែងមុខ និងកាត់សក់ខ្លី តែរូបចេញមកមិនខុសពី Poster នៃរឿងភាពយន្តឡើយ។ នៅពេលនេះ ទោះបីជាមានវ័យជ្រេហើយក៏ដោយ តែរូបរាង និងមុខរបស់ អតីតសមាជិកក្រុមចម្រៀង TVXQ នៅតែធ្វើឲ្យគេឈ្លក់វង្វេង៕