ក្នុងភ្នែកបុរស ចាត់ទុកនារីមាន៣ចំណុចនេះ ថាស្រស់ស្អាតពិតប្រាកដ

2022-01-23 01:32:00
ចំនួនមតិ 0 | ចំនួនចែករំលែក 0

មនុស្សស្រីដែលស្អាតបំផុត ទោះជានាងមិនស្លៀកសម្លៀកបំពាក់ Brand ឬផាត់មុខក្រាស់ ក៏នៅតែឃើញស្អាត ដោយចំនុច៣យ៉ាងខាងក្រោម។ បុរសជាច្រើនតែងលង់នឹងមនុស្សស្រីប្រភេទនេះ ដកភ្នែកស្ទើរមិនរួច ដោយសារមន្តស្នេហ៍៣យ៉ាងនេះ។

១. ចេះគិតពីអ្នកដទៃ

មនុស្សស្រីខ្លះមានសម្រស់ធម្មតា មិនសូវស្អាតប៉ុន្មានឡើយ តែនាងបែរជាមានបុរសជាច្រើនប្រាថ្នាចង់បាន និងចង់រៀបការជាមួយឆាប់ៗទៀតផង។ នេះដោយសារនាងចេះគិតគូពីអ្នកដទៃ ចេះយកចិត្តរបស់គេដាក់ចិត្តរបស់ខ្លួនឯង។

មុននិយាយអ្វី នាងតែងពិចារណាថាសម្តីនោះនឹងមិនធ្វើឲ្យម្ខាងទៀតឈឺចាប់។ នាងមិនប្រើការស្មានដើម្បីវាយតម្លៃគេ ហើយក៏មិនអង្គុយចាប់កំហុសគេគ្រប់រឿង ព្រោះនាងដឹងថាលើលោកនេះ គ្មាននរណាល្អឥតខ្ចោះនោះឡើយ។ ដូច្នេះ ជំនួសការបង្ខំអ្នកដទៃឲ្យធ្វើរឿងណាមួយ នាងតែងរៀនយល់ ព្រមទាំងចេះស្តាប់ហេតុផល។

២.. ចេះរក្សាអត្តចរិតថ្លៃថ្នូរ

ទោះជាពេលខ្លះត្រូវមានពេលវេលាលេងសើចក៏ដោយ តែនាងដឹងពីដែនកំណត់របស់ខ្លួន ដែលនេះហើយធ្វើឲ្យអ្នកដទៃមានអារម្មណ៍ផាសុកភាពពេលនៅក្បែរនាង ។ នាងជាប្រភេទមនុស្សស្រីបែបសាមញ្ញឥតខ្ចោះ តែបែរជាធ្វើឲ្យបេះដូងបុរសរញ្ចួយគ្រប់ៗគ្នាបាន។ នាងមិនចំណាយលុយច្រើនលើសម្លៀកបំពាក់ Brand ឬផាត់មុខក្រាស់ៗ ព្រោះនាងដឹងថាភាពស្រស់ស្អាតពីខាងក្នុងរបស់នាង ទើបធ្វើឲ្យមនុស្សជាច្រើនអាចរស់នៅជាមួយបានយូរអង្វែង។

៣.. ដឹងថា អ្វីជាភាពគ្រប់គ្រាន់

មនុស្សស្រីដែលមើលទៅរីករាយបំផុត គឺនៅពេលនាងដឹងពីពាក្យថាគ្រប់គ្រាន់។ នាងស្រលាញ់អ្វីដែលនាងមាន ហើយនាងក៏មិនបានយំទួញសោកដល់ព្រះជាម្ចាស់ សុំឲ្យជីវិតបានល្អឥតខ្ចោះនោះដែរ។ នាងមិនចង់បានអ្វីដែលហៅថា ជារបស់អ្នកដទៃនោះទេ។ លើសពីនេះ នាងគ្រាន់តែចង់បានជីវិតបែបស្ងប់សុខ គ្មានកំហឹង គ្មានទុក្ខព្រួយ។ នាងតែងបង្ហាញនូវភាពស្រស់ស្អាត តែគឺស្រស់ស្អាតជាមួយអត្តចរិត ព្រមទាំងរូបរាងកាយដែលនាងគិតថាសមរម្យ៕

ប្រភព៖ phunuvagiadinh ប្រែសម្រួល៖ លឹម សុនា