Dilireba ត្រូវគេចោទថាលួចចម្លងស្ទីល Fan Bingbing គ្រប់កម្មវិធី
- 2022-01-20 02:57:00
- ចំនួនមតិ 0 | ចំនួនចែករំលែក 0
Dilireba ត្រូវគេចោទថាលួចចម្លងស្ទីល Fan Bingbing គ្រប់កម្មវិធី
តារាសម្ដែងស្រីកំពុងឡើងកូដចិន Dilireba ត្រូវបានគេសង្កេតឃើញថា មានការតែងខ្លួនដូចនឹងតារាសម្ដែងស្រីជើងចាស់ Fan Bingbing ជាច្រើនលើកច្រើនសារ។
កាលពីថ្ងៃទី ១៧ ខែមករាកន្លងទៅនេះ បណ្ដាញព័ត៌មាន Sina បានរាយការណ៍ថា មុនពេលធ្លាក់កូដដោយសារ រឿងអាស្រូវរាប់រយលានដុល្លារនោះ តារាសម្ដែងស្រីចិន Fan Bingbing ធ្លាប់ជាសិល្បការិនីលំដាប់ A ដែលគ្រប់ការបង្ហាញខ្លួនរបស់នាងសុទ្ធតែទទួលបានចំណាប់អារម្មណ៍ខ្ពស់បំផុត។ មូលហេតុដែលធ្វើឲ្យនាងទៅដល់ណា គេមិនដាក់ភ្នែកដល់នោះគឺមកពីស្ទីលរបស់ស្រីស្អាតអាយុ ៤០ឆ្នាំមិនដែលជាន់គ្នាទាល់តែសោះ។
ប្រភពដដែលបានបន្ថែមថា មួយរយៈចុងក្រោយនេះ តារាសម្ដែងស្រីជួរមុខម្នាក់ទៀតនោះគឺ Dilereba មានការតែងខ្លួនជាច្រើនដូចគ្នានឹងរៀមច្បង មិនថាពេលចូលរួមកម្មវិធី ឬថតទស្សនាវដ្ដីនោះទេ គឺដូចជាង៩០%តែម្ដង។ យ៉ាងណាក្ដី ទោះបីជាមានស្ទីលស្រដៀងគ្នាក៏ពិតមែន ស្រីស្អាងវ័យក្មេងត្រូវបានគេវាយតម្លៃថានៅចាញ់តារារលកមុខនៅឡើយ បើទោះបីជាមានវ័យក្មេងជាង១០ឆ្នាំក៏ដោយ។
ទស្សនិកជនជាច្រើនបានលាន់មាត់ថា អាចមកពីក្រុមការងាររបស់តួរឿង You Are My Glory អស់ការច្នៃប្រឌិតទើបចម្លងស្ទីលពីសិស្សច្បងបែបនេះ៕