៣ សញ្ញាបង្ហាញថាមនុស្សម្នាក់លុយមិនសូវមានប៉ុន្មាន តែអំនួតច្រើន
- 2022-01-18 04:45:00
- ចំនួនមតិ 0 | ចំនួនចែករំលែក 0
៣ សញ្ញាបង្ហាញថាមនុស្សម្នាក់លុយមិនសូវមានប៉ុន្មាន តែអំនួតច្រើន
ប្រសិនបើអ្នកសង្កេតឃើញមនុស្សម្នាក់មានសញ្ញាទាំងនេះ បង្ហាញឲ្យឃើញថា ទោះបីជាប្រាក់កាក់មិនសល់ច្រើនប៉ុន្មានក្ដី តែអំនួតគឺមានមិនតិចឡើយ។
១. អត់លុយតែធ្វើដូចខ្លួនអ្នកមាន
ដើម្បីលាក់បាំងការពិតថាខ្លួនមិនមែនជាអ្នកមាន មនុស្សមួយចំនួនមិនទទួលយការពិតឡើយ ដោយសុខចិត្តលាក់បាំង និងកុហកគេទៅវិញ។ ពួកគេនិយាយពីអ្វីដែលមិនមែនជាការពិត ហើយទោះបីជាគេគ្មានអ្នកណាសួរដេញដោលក៏ដោយ ក៏ពួកគេនឹងអួតថាខ្លួនមានបែបនេះ ខ្លួនមានបែបនោះដែរ។ ពួកគេអាចធ្វើបានគ្រប់យ៉ាងដើម្បីប្រាប់គេឯងថាខ្លួនឯងមិនមែនជាអ្នកក្រ ទាំងដែលការពិតពួកគេគ្មានអ្វីជាប់ខ្លួនសោះ។
២. ខ្ចីលុយគេមកសម្ញែងព្រោះខ្លាចចាញ់
អ្នកមានលុយស្រាប់ និងមានលុយច្រើន គ្មានអ្វីខុសប្រក្រតីនោះទេ ប្រសិនបើគេមានផលិតផលអ្វីដែលថ្មី ហើយទិញមកប្រើប្រាស់។ យ៉ាងណាក្ដី សម្រាប់អ្នកដែលមិនទាន់មាន តែមានអំនួតធំ ខ្លាចមិនដល់គេ គឺទោះបីជាត្រូវខ្ចីបំណុលគេក៏ត្រូវខ្ចីយកមកទិញដើម្បីកុំឲ្យចាញ់គេដែរ។ ជាក់ស្ដែង ទូរសព្ទស៊េរីចុងក្រោយគឺជាភស្តុតាងដែលបញ្ចាក់បំផុត ដោយទោះបីជាមិនមានលុយក៏ដោយ ក៏ត្រូវប្រមូលអស់ពីខ្លួនដើម្បីទៅទិញមិនឲ្យចាញ់អ្នកដទៃដែរ។
៣. តែងតែជំពាក់លុយគេជុំទិស
ដើម្បីហក់លោតតោងជាមួយអ្នកមានពិតប្រាកដ អ្នកមានអំនួតមួយចំនួន ទោះបីជាប្រើអស់ប្រាក់ខែទៀតក៏មិនគ្រប់ដែរ ដូចនេះហើយ គ្មានវិធីផ្សេងក្រៅពីខ្ចីលុយគេឡើយ។ នៅពេលយូរទៅ ខ្ចីតែមួយប្រភពក៏មិនគ្រប់ដែរ ព្រោះខ្ចីច្រើនដងពេកគេលែងឲ្យខ្ចី មានតែដើរខ្ចីអ្នកផ្សេង។ ទម្រាំតែដឹងខ្លួនថាបំណុលជុំទិសគឺលែងទាន់ពេលបាត់ទៅហើយ ដោយសារតែវណ្ឌកពេក។ នៅចុងបញ្ចប់គឺគ្មានអ្វីក្រៅពីជីវិតគឺរុំព័ទ្ធដោយសារបំណុល៕