រូបភាពទី១ដែលអ្នកមើលឃើញបង្ហាញថាអ្នកកំពុងតាមដានអ្វីនៅក្នុងជីវិត

2022-01-18 03:00:00
ចំនួនមតិ 0 | ចំនួនចែករំលែក 0

ចង់ដឹងថាអ្នកកំពុងរកអ្វីសម្រាប់បំណងជីវិតខ្លួនឯង សូមជ្រើសរូបមួយដើម្បីដឹងចម្លើយ។

១. សត្វខ្លា

អ្នកមានសមត្ថភាពដោះស្រាយបញ្ហាដែលអ្នកផ្សេងពិបាកដោះស្រាយ។ ក្រៅពីនេះ អ្នកក៏ចូលចិត្តធ្វើរឿងទាំងនេះដែរ។ អ្នកមានសមត្ថភាពគិត និងបែងចែកបានយ៉ាងប្រិសិទ្ធិភាព។ អ្នកមិនជឿលើសំណាងដោយជឿលើតែការប្រឹងប្រែង។ អ្នកគិតថាជីវិតខ្លួនយ៉ាងម៉េចគឺដោយសារតែយើងជាអ្នកបង្ករ។ អ្នកមិនមានសម្ពាធពេលដាក់គម្រោងការធំៗឲ្យខ្លួនឯងនោះទេ។ អ្នកខិតខំធ្វើការដើម្បីយកគោលដៅដែលខ្លួនដៅឲ្យទាល់តែបាន។ អ្នករស់នៅចុះសម្រុងជាមួយមនុស្សគ្រប់គ្នា។ អ្នកអាចលើកលែងដល់ទោសកំហុសរបស់អ្នកដទៃ ព្រោះអ្នកដឹងថាការខឹងច្រឡោតមិនបាននាំអ្វីល្អដល់អ្នកឡើយ។

២. សត្វចាប

អ្នកជាមនុស្សល្អ អ្នកចូលចិត្តមនុស្សនៅជុំវិញ និងមានទំនាក់ទំនងល្អនឹងពួកគេ។ មនុស្សគ្រប់គ្នាស្រលាញ់រាប់អានអ្នក ដោយសារពេលនៅជិតអ្នក ពួកគេសប្បាយ។ អ្នកអាចគ្រប់គ្រងអារម្មណ៍ខ្លួនឯងនៅក្នុងគ្រប់កាលៈទេសៈ។ អ្នកពេលខ្លះទប់អារម្មណ៍របស់ខ្លួនជ្រុល ព្រោះអ្នកមិនចង់ឲ្យគេឃើញថាខ្លួនជាមនុស្សងាយបញ្ចេញអារម្មណ៍ ហើយមិនចេះអត់ធ្មត់។ អ្នកស្រលាញ់កូនក្មេង និងសត្វចិញ្ចឹម។ អ្នករស់នៅដោយផ្ដោតលើភាពស្មើភាពគ្នា ដូចនេះរាល់ពេលធ្វើអ្វីអ្នកតែងគិតដល់អាមរម្មណ៍របស់អ្នកដទៃ។

៣. មុខមនុស្សស្រី

អ្នកជាមនុស្សស្រលាញ់ភាពសាមញ្ញជាទីបំផុត។ អ្នកមិនចង់ធ្វើឲ្យជីវិតរបស់ខ្លួនស្មុគស្មាញនោះឡើយ។ សម្រាប់អ្នកពិភពលោកនេះមានតែស និងខ្មៅនោះទេ។ អ្នកមិនចូលចិត្តអ្វីដែលមិនច្បាស់លាស់ ដោយគិតថា ត្រូវគឹត្រូវ ខុសគឺខុស គ្មាននៅចំណុចកណ្ដាលឡើយ។ អ្នកស្មោះត្រង់ និងជាមនុស្សត្រង់ មិនខ្លាចប៉ះពាល់ដល់អារម្មណ៍អ្នកដទៃ។ អ្នកធ្វើនូវអ្វីដែលខ្លួនគិតថាត្រូវ។

៤. ទេសភាព

អ្នកមានញាញវៀងវៃ និងញាណទី៦របស់អ្នកភាគច្រើនគឺត្រឹមត្រូវ។ អ្នករស់នៅប្រកបដោយមនោសញ្ចេតនា វិជ្ជមានសម្រាប់អ្វីនៅជុំវិញខ្លួន។ អ្នកជឿថាព្រះអាទិត្យតែងរះក្រោយភ្លៀង។ អ្នកជាមនុស្សពូកែស្ដាប់អំពីងអ្នកដទៃ ហើយលួងលោមបានល្អបំផុត។ អ្នកព្យាយាមយល់ពីខ្លួនឯង ហើយស្ដាប់តាមបេះដូងរបស់ខ្លួន។ អ្នកមិនចូលចិត្តដាក់សម្ពាធលើខ្លួនឯង ហើយអ្នកដឹងថា ដំបូន្មានដែលល្អមួយចំនួនបើគេមិនពេញចិត្តគឺគ្មានប្រយោជន៍ឡើយ តែបើមានអ្នកសុំជំនួយ គឺអ្នកពេញចិត្តជួយជានិច្ច៕

ប្រភព៖ emdep ប្រែសម្រួល៖ Iv Madalen