ជ្រើសយកទេវតាមួយ ដើម្បីទទួលបានសារពិសេសរបស់អ្នកនៅពេលនេះ
- 2022-01-14 02:40:00
- ចំនួនមតិ 0 | ចំនួនចែករំលែក 0
ជ្រើសយកទេវតាមួយ ដើម្បីទទួលបានសារពិសេសរបស់អ្នកនៅពេលនេះ
ចង់ដឹងថាចក្រវាលមានសារអ្វីពិសេសផ្ញើសម្រាប់អ្នកនៅពេលនេះ សូមជ្រើសយកទេវតាមួយខាងក្រោម។
១. នេះគឺជាពេលដែលសមស្របបំផុតសម្រាប់រៀបគម្រោង និងផែនការថ្មី។ ដកដង្ហើមឲ្យបានវែងៗ និងមើលឲ្យបានឆ្ងាយ ហើយត្រៀមខ្លួនសម្រាប់ការផ្លាស់ប្ដូរនៅពេលខាងមុខ។ ប្រសិនអ្នកជឿជាក់លើខ្លួនឯងទាំងស្រុង នោះអ្នកនឹងជោគជ័យ។ ពេលខ្លះអ្នកគិតថាជីវិតនេះពិតជាពិបាកពេកហើយសម្រាប់អ្នក ប៉ុន្តែអ្នកត្រូវទម្លាប់ជាមួយរឿងនេះ ព្រោះលើលោកនេះតែងមានឡើងចុះបែបនេះហើយ។ បន្ថែមពីនេះ ពេលនេះក៏ជាពេលដែលអ្នកគួររស់នៅសម្រាប់ខ្លួនឯង ដោយកុំគិតពីការគិតរបស់អ្នកដទៃខ្លាំងពេក។
២. សូមចាប់ផ្ដើមរៀនភាសាថ្មីមួយទៀត ឬសាកល្បងជំនាញរបស់ខ្លួនឯងនៅការងារថ្មីណាមួយ។ ការសាកអ្វីដែលថ្មីនៅពេលនេះនឹងជួយឲ្យអ្នកមានអារម្មណ៍វិជ្ជមានជាងមុន។ បន្ថែមពីនេះ ការរៀនអ្វីដែលថ្មីនៅពេលនេះនឹងជួយឲ្យអ្នកងាយស្រួលក្នុងអាជីពការងារនៅពេលខាងមុខជាក់ជាមិនខាន។ ការរៀនថែមភាសានឹងធ្វើឲ្យអ្នកវៀងវៃជាងមុន ហើយសម្រាប់ទីផ្សារការងារនៅពេលបន្តិចទៀត ក៏អ្នកមានប្រៀបជាងគេដូចគ្នា។
៣. នៅពេលខាងមុខ គឺជាវេលាដ៏មានសុភមង្គលសម្រាប់អ្នក ប្រសិនជាអ្នកអាចចាប់បាន។ អតីតកាលរបស់អ្នកមានរឿងមួយចំនួនមិនទាន់បានល្អប្រសើរ ឬរលូនតាមអ្វីដែលអ្នកចង់បាន តែបើអ្នកចាប់បានឱកាសខាងមុខ នោះអ្នកនឹងរកបានសុភមង្គលហើយ។ អ្វីដែលអ្នកគួរធ្វើបំផុតនៅពេលនេះនោះគឺ ជឿជាក់លើខ្លួនឯង ដោយកុំទុកឲ្យមជ្ឈដ្ឋានខាងក្រៅធ្វើឲ្យការតាំងចិត្តរបស់អ្នកឲ្យសោះ៕