លែងលះគ្នា Yang Mi យកទ្រព្យបានច្រើនជាងប្ដីជិត១០ដង តែខាងប្រុសមិនអាចតវ៉ា ហើយត្រូវចងលក្ខខណ្ឌទៀត

2022-01-14 02:27:00
ចំនួនមតិ 0 | ចំនួនចែករំលែក 0

ទោះបីជាត្រូវបានចែកទ្រព្យតិចជាងអតីតប្រពន្ធជាច្រើនដងក៏ដោយ តែតារាសម្ដែងប្រុសហុងកុង Harwick Lau មិនអាចតវ៉ាបាននោះឡើយ ថែមទាំងត្រូវលក្ខខណ្ឌភ្ជាប់ជាមួយទៀត។

កាលពីថ្ងៃទី ១០ ខែមករាកន្លងទៅនេះ បណ្ដាញព័ត៌មាន Sohu បានចុះផ្សាយនូវចំនួនទ្រព្យសម្បត្តិដែលកំពូលតារាសម្ដែងស្រីចិន Yang Mi និងអតីតស្វាមី Harwick Lau ចែកគ្នា នៅពេលលែងលះកាលពិឆ្នាំ២០១៩។ ប្រភពដដែលបានឲ្យដឹងថា ក្រោយបែកគ្នា ទ្រព្យសម្បត្តិជិត ៩០%គឺត្រូវបានចែកទៅលើ ខាងស្រីដោយខាងប្រុសមិនអាចប្រកែកបាន។

តាមនោះដែរ ក្រោយពេលចែកផ្លូវគ្នាដើរ Harwick Lau ទទួលបានសិទិ្ធចិញ្ចឹមកូនស្រីនៅហុងកុង ឯ Yang Mi បន្តរស់នៅចិនដីគោក ហើយមានសិទ្ធិទៅមើលកូនគ្រប់ពេលវេលា។ សម្រាប់ទ្រព្យវិញ តួរឿងនិស្ស័យស្នេហ៍ទេវតាបីជាតិ ទទួលបាន៧០២លានដុល្លារ ចំណែកអតីតស្វាមីវិញទទួលបានត្រឹមតែ ៧៥លានដុល្លារតែប៉ុណ្ណោះ។ ទោះបីជាចំនួនទឹកប្រាក់ខុសគ្នាជិត១០ដងក៏ដោយ ប៉ុន្តែ Sohu បានឲ្យដឹងថា Harwick Lau មិនអាចតវ៉ាបានឡើយ ត្បិតស្ទើរតែទ្រព្យសម្បត្តិរបស់អ្នកទាំង២គឺបានមកពីញើសឈាមរបស់ស្រីស្អាតអាយុ ៣៥ឆ្នាំទាំងអស់។

បន្ថែមពីនេះ ទោះបីជាមានសិទ្ធិចិញ្ចឹមកូនក៏ពិតមែនតែ Harwick Lau ត្រូវចងលក្ខខណ្ឌថា មិនអាចរៀបការម្ដងទៀតបានឡើយ បើរៀបការម្ដងទៀតនោះ សិទ្ធិនេះនឹងត្រូវធ្លាក់លើ Yang Mi វិញ៕

ប្រភព៖ afamily ប្រែសម្រួល៖ Caramel