ឆាកជីវិតគឺពោលពេញទៅដោយឧបសគ្គ ការលំបាក និងស្ថានភាពដែលអ្នកមិននឹកស្មានដល់ថាវាអាចនឹងកើតឡើងចំពោះខ្លួនអ្នកបែបនេះឡើយ។ នៅពេលដែលអ្នកគឺជាមនុស្សតែងតែមានភាពវិជ្ជមាននៅក្នុងខ្លួន វាពិតជាមានអត្ថប្រយោជន៍ជាច្រើនណាស់សម្រាប់ជីវិតរស់នៅប្រចាំថ្ងៃរបស់អ្នក ដែលវាផ្ទុយស្រលះពីអ្វីដែលតែងតែមានភាពអវិជ្ជមាន។

ជាមួយនឹងភាពវិជ្ជមានក្នុងខ្លួនវានឹងធ្វើឲ្យជីវិតរស់នៅរបស់អ្នកកាន់តែមានភាពប្រសើរឡើង ហើយអ្នកដែលនៅជុំវិញខ្លួនអ្នកនឹងកាន់តែមានភាពវិជ្ជមានដូចជារូបអ្នកផងដែរ។ ប្រសិនបើអ្នកឆ្លងកាត់ ឬជួបបញ្ហាការលំបាកនានានៅក្នុងជីវិត សូមចងចាំថាភាពវិជ្ជមានអាចជួយអ្នកបាន និងថែមទាំងមានអត្ថប្រយោជន៍ជាច្រើនសម្រាប់សុខភាបផ្លូវចិត្តថែមទៀតផង។

ទាំងនេះគឺជាមូលហេតុដែលអ្នកគួរតែមាន និងរក្សាទុកភាពវិជ្ជមាននៅក្នុងខ្លួនជានិច្ច៖

• អ្នកមានសមត្ថភាពក្នុងការដោះស្រាយបញ្ហាលំបាកៗបានយ៉ាងងាយស្រួល
• ធ្វើឲ្យសុខភាពផ្លូវចិត្ត និងសុខភាពរាងកាយរបស់អ្នកមានភាពល្អប្រសើរជាងអ្នកដទៃ
• អកប្បកិរយា ការនិយាយស្តី និងការបង្ហាញអារម្មណ៍របស់អ្នកគឺមានភាពជឿជាក់នឹងទំនុកចិត្តលើខ្លួនឯង
• អ្នកនឹងមានភាពសកម្មជានិច្ច ហើយសប្បាយរីករាយជាមួយនឹងជីវិតរស់នៅរបស់អ្នក
• ទំនាក់ទំនងរបស់អ្នកនឹងបានល្អប្រសើរ ទាំងជាមួយដៃគូស្នេហា មិត្តភក្ដិក្រុមគ្រួសារ និងនៅក្នុងសង្គម
• អ្នកនឹងទទួលបានការលើកទឹកចិត្តខ្លាំងចំពោះខ្លួនឯង និងទៅកាន់អ្នកដទៃ
• ការពារអ្នកមិនឲ្យធ្លាក់ចូលទៅក្នុងជំងឺធ្លាក់ទឹកចិត្ត និងជំងឺស្ត្រេសបានដោយងាយនោះឡើយ

ហេតុផលទាំងនេះហើយដែលអ្នកគួរតែមាននឹងរក្សាភាពវិជ្ជមានឲ្យមាននៅក្នុងជីវិតប្រចាំថ្ងៃ វានឹងជួយឲ្យអ្នករស់នៅប្រកបដោយភាពស្បាយរីករាយ និងមានសុភមង្គល។ នៅពេលដែលអ្នកយកភាពវិជ្ជមានមកដាក់មុខជានិច្ច អ្នកនឹងសម្គាល់ឃើញថាជីវិតរស់នៅរបស់អ្នកកាន់តែល្អប្រសើរឡើង ហើយសុខភាពទូទៅរបស់អ្នកគឺល្អប្រសើរជាងអ្នកដទៃខ្លាំង៕

ចុចអានបន្ត៖ វិធីក្នុងការផ្លាស់ប្តូរពីការគិតអវិជ្ជមានទៅជាការគិតវិជ្ជមានល្អៗវិញ