សុភមង្គលគឺជាអ្វីមួយដែលមនុស្សគ្រប់ៗគ្នាអាចទទួលបាន ហើយវាតែងតែស្ថិតនៅខាងក្នុងអ្នកជានិច្ច គ្រាន់តែរង់ចាំអ្នកទទួលយកវានឹងបញ្ចេញវាមកខាងក្រៅតែប៉ុណ្ណោះ ដើម្បីឲ្យអ្នកក្លាយទៅជាមនុស្សម្នាក់ដែលមានភាពសប្បាយរីករាយនៅក្នុងជីវិតរស់នៅ។ មនុស្សខ្លះតស៊ូស្វែងរកវាហើយឆ្ងល់ថា តើមនុស្សដែលមានសុភមង្គលសប្បាយរីករាយទាំងនោះមានផ្នត់គំនិតវិជ្ជមានអ្វីខ្លះទើបពួកគេមានសុខភមង្គល។

ជាទូទៅមនុស្សរីករាយធ្វើអ្វីៗតាមលក្ខណៈបែបធម្មជាតិ ដូច្នេះការសប្បាយហាក់ដូចជាងាយស្រួលសម្រាប់ពួកគេ ប៉ុន្តែវាអាចពិបាកសម្រាប់មនុស្សខ្លះ។ ការស្វែងយល់អំពីអ្វីដែលនាំមកនូវសេចក្តីរីករាយដល់ជីវិតរស់នៅរបស់អ្នក ការផ្ដោតសំខាន់ទៅលើរឿងល្អៗដើម្បីសុខុមាលភាពរបស់អ្នកគឺជារឿងដែលអ្នកគួរធ្វើជាប្រចាំ។

ទាំងនេះគឺជាទម្លាប់ល្អៗមួយចំនួនដែលមនុស្សសប្បាយរីករាយតែងតែធ្វើវាឡើងជាប្រចាំថ្ងៃ៖

• ពួកគេបង្ហាញការដឹងគុណជានិច្ចទៅលើរឿងគ្រប់យ៉ាង
• ពួកគេជួយអ្នកដទៃ និងធ្វើអំពើល្អជាប្រចាំតាមដែលពួកគេអាចធ្វើទៅបាន
• នៅក្នុងផ្នត់គំនិតរបស់ពួកគេគឺពោរពេញទៅដោយភាពសុទិដ្ឋិនិយម និងភាពវិជ្ជមាន
• ពួកគេមានភាពស្មោះត្រង់ និងមានទំនួលខុសត្រូវខ្ពស់ទៅលើអ្វីដែលពួកគេបានធ្វើ បានប្រព្រឹត្ត
• ពួកគេមិនផ្តោតទៅលើទ្រព្យសម្បត្តិ ឬជាប្រភេទមនុស្សសម្ភារនិយមឡើយតែធ្វើការគិតអំពីសុខភាពរបស់ពួកគេជាមុន
• ពួកគេផ្តោតតែទៅលើអ្វីដែលធ្វើឲ្យពួកគេសប្បាយរីករាយតែប៉ុណ្ណោះ និងមិនយកភាពអវិជ្ជមានមកដាក់ក្នុងខ្លួនឡើយ
• ពួកគេមានភាពរឹងមាំផ្នែកសង្គមរស់នៅ និងសម្បូរទៅដោយមនុស្សវិជ្ជមាននៅជុំវិញខ្លួនរបស់ពួកគេ
• ហើយពួកគេមានគោលដៅច្បាស់លាស់ និងខិតខំឆ្ពោះទៅរកគោលដៅទាំងនោះ បើទោះបីជាមានឧបសគ្គច្រើនយ៉ាងណាក៏មិនរាថយដែរ

សុភមង្គលគឺជាអ្វីមួយដែលមនុស្សគ្រប់គ្នាអាចទទួលបានប្រសិនបើពួកគេដឹងពីរបៀបដែលត្រូវរកនោះ ហើយទម្លាប់ទាំងប្រាំបីយ៉ាងខាងលើនេះហើយគឺជាអ្វីដែលមនុស្សសប្បាយចិត្តធ្វើដោយមិនបានដឹងខ្លួនថាពួកគេបានធ្វើវាឡើងឡើយ ប៉ុន្តែពួកគេបានប្រព្រឹត្តវាឡើងជាប្រចាំ។ ដូច្នេះចំណាយពេលខ្លះធ្វើការផ្លាស់ប្តូរភាពអវិជ្ជមានចោល ដើម្បីទទួលបានការរស់នៅប្រកបដោយភាពសប្បាយចិត្ត និងមានសុភមង្គល៕

ចុចអានបន្ត៖ រឿង ៤ យ៉ាងដែលត្រូវធ្វើដើម្បីឲ្យទំនាក់ទំនងបានល្អប្រសើរ ប្រសិនបើអ្នកកំពុងធ្វើការជាមួយអតីត