ឡាយ​លក់​ឥវ៉ាន់​ឲ្យ​គេ​មិនគ្រប់ចំនួនតាមការចង់បាន តារាជួរ​មុខ​ហុងកុង​ត្រូវ​សង​សំណង​គេ​ជាង​៦​ម៉ឺន​ដុល្លារ

  • 2022-01-03 04:18:00
  • ចំនួនមតិ 0 | ចំនួនចែករំលែក 0

តារា​សម្ដែង​ប្រុស​ល្បី​ឈ្មោះ​ហុងកុង Jordan Chen ទទួល​បាន​តម្លៃ​ខ្លួន​ខ្ពស់នៅ​ពេល​ឡាយ​លក់​ទំនិញ​ឲ្យ​យីហោ​មួយ តែ​ដោយ​សារ​តែ​មិន​ទទួល​បាន​ចំណូល​មិន​​ដូច​​ការ​ព្រាង​​ទុក​ធ្វើ​ឲ្យ​លោក​ត្រូវ​សង​លុយ​គេ​វិញ។

កាល​ពី​ថ្ងៃ​ទី ៣០ ខែ​ធ្នូ​​ កន្លង​ទៅ​នេះ បណ្ដាញ​ព័ត៌មាន 163 បាន​រាយការណ៍​ថា តារា​សម្ដែង​ប្រុស​ចាស់​វស្សារ​ហុងកុង Jordan Chen ត្រូវ​តុលាការ​ខេត្ត Guangzhou កាត់​ក្ដី​ឲ្យ​ចាញ់​ ហើយ​ត្រូវ​សង​លុយ​តម្លៃ​ខ្លួន​ឲ្យ​គេ​វិញ​ចំនួន ៦៤០០០​ដុល្លារ។

ប្រភព​ដដែល​បាន​ឲ្យ​ដឹង​ថា កាល​ពី​ខែ​តុលា តារា​ប្រុស​អាយុ ៥៤​ឆ្នាំ បាន​ទទួល​សំណើរ​ឡាយ​លក់​អីវ៉ាន់​អនឡាញ​ឲ្យ​ប្រេន​មួយ​ដោយ​ទទួល​បាន​តម្លៃ​ចំនួន ៨​ម៉ឺន​ដុល្លារ។ យ៉ាងណាក្ដី ក្រោយ​ឡាយ​លក់​ឥវ៉ាន់​ចំនួន ៣​ដង ចំណូល​ដែល​លោក​ទទួល​សរុប​បាន​ត្រឹម​តែ ៧៨៥​ដុល្លារ។ តាម​កិច្ចសន្យា លោក​ត្រូវ​លក់​ឲ្យ​បាន​យ៉ាង​តិច​បំផុត ១៥៧០០០ដុល្លារ។

ដោយ​យោគយល់​ដល់​តារា​ប្រុស​ខាង​លើ ក្រុមហ៊ុន​សុំ​ត្រឹម​តែ​តម្លៃ​ខ្លួន​ពាក់​កណ្ដាល​មក​វិញ​ទេ។ យ៉ាងណាក្ដី ដោយ​សារ​តែ​​ខាង​សិល្បករ​នេះ​មិន​ព្រម ទើប​ក្រុមហ៊ុន​ខាង​លើ​ដាក់​ពាក្យ​បណ្ដឹង​តែ​ម្ដង។ ជា​លទ្ធផល តារា​ប្រុស​នេះ​ចាញ់​ក្ដី ហើយ​ត្រូវ​សង​ទៅ​ក្រុមហ៊ុន​វិញ​ចំនួន ៦៤០០០​ដុល្លារ។ បណ្ដាញ​ព័ត៌មាន ១៦៣ បាន​ឲ្យ​ដឹង​ថា​ប៉ុន្មាន​ឆ្នាំ​ចុង​ក្រោយ​នេះ តារា​ឡាយ​លក់​ទំនិញ​ជា​ច្រើន​នាក់ ប៉ុន្តែ​មិន​មែន​អ្នក​ណា​ក៏​ទទួល​បាន​លទ្ធផល​រំពឹង​ទុក​ឡើយ៕

ប្រភព៖ news.zing.vn ប្រែ​សម្រួល៖ Caramel

អត្ថបទពេញនិយម