ចំនួនអ្នកទស្សនារឿងភាគរបស់ Jisoo ធ្លាក់យ៉ាងគំហក សល់ត្រឹម១%

2021-12-28 02:30:00
ចំនួនមតិ 0 | ចំនួនចែករំលែក 0

ទន្ទឹមនឹងរឿងអាស្រូវពាក់ព័ន្ធនឹងប្រវត្តិសាស្ត្រនោះ ទស្សនិកជនជាច្រើនបានវាយតម្លៃថា សមត្ថភាពសម្ដែងរបស់តារាចម្រៀង និងសម្ដែងស្រីល្បីឈ្មោះកូរ៉េ Jisoo នៅមានកម្រិត។ កាលពីថ្ងៃទី ២៦ ខែធ្នូកន្លងទៅនេះ បណ្ដាញព័ត៌មាន Naver បាយរាយការណ៍ថា ក្រៅពីភាគ១ និង២ ដែលមានចំនួនអ្នកទស្សនាមធ្យមត្រឹម ៣% នោះ ចាប់ពីភាគទី៣ និង៤ ខ្សែភាពយន្តភាគកូរ៉េ Snowdrop ដែលជាស្នាដៃសម្ដែងឯកដំបូងរបស់តារាចម្រៀងស្រីល្បីឈ្មោះ Jisoo ត្រូវធ្លាក់ចុះយ៉ាងខ្លាំង។ តាមនោះដែរ នៅក្នុងភាគថ្មីបំផុតខាងលើ ចំនួនអ្នកទស្សនាធ្លាក់សល់ត្រឹម ១.៦% តែប៉ុណ្ណោះ ដែលធ្វើឲ្យរឿងនេះ មានចំនួនអ្នកមើលក្រោមមធ្យម ហើយធ្លាក់មកខ្សោយវិញ។

ខណៈមនុស្សចំនួនគិតថា រឿងត្រូវធ្លាក់អ្នកមើលដោយសារ រឿងអាស្រូវបំភ្លៃប្រវត្តិសាស្ត្រនោះ ទស្សនិកជនជាក់ស្ដែងមួយចំនួន បានវាយតម្លៃថា សមត្ថភាពនៅមានកម្រិតរបស់តួឯកស្រី ក៏ធ្វើឲ្យគេមិនអាចផ្ចង់អារម្មណ៍តាមដានរឿងបានដែរ។ អ្នកជំនាញវាយតម្លៃថា ការប្រគល់តួឯកឲ្យ Jisoo គឺជាការសម្រេចចិត្តដ៏ប្រថុយមួយ ត្បិតមុននោះ នាងមិនទាន់មានបទពិសោធន៍សម្ដែងជ្រៅជ្រះ។

ទោះបីជាមានចំនួនអ្នកទស្សនាទាប ក៏ដូចជាត្រូវបានមហាជនរាប់សែននាក់ចុះហត្ថលេខាឲ្យឈប់ចាក់ផ្សាយក៏ដោយ តែប៉ុស្តិ៍ JTBC នៅតែរក្សាជំហររបស់ខ្លួន និងបន្តចាក់ផ្សាយរឿងជាធម្មតា៕