តារាស្រីពេលរបូតពាន៖ Song Qian ចេញចរិតពិត Zhao Liying ជួយអបអរ

2021-12-20 06:20:00
ចំនួនមតិ 0 | ចំនួនចែករំលែក 0

ពានរង្វាន់ភាពយន្តគឺជាបន្ទាប់ដើម្បីកំណត់ភាពជោគជ័យរបស់តារាសម្ដែង ដែលធ្វើឲ្យមនុស្សជាច្រើនរំពឹងថាខ្លួននឹងឈ្នះ ដូចនេះហើយ ពេលមិនជាប់មនុស្សមិនតិចឡើយ មិនអាចលាក់អារម្មណ៍ពិត។ កាលពីថ្ងៃទី ១៩ ខែធ្នូមុននេះ បណ្ដាញព័ត៌មាន QQ បានរាយការណ៍ថា រយៈពេលចុងឆ្នាំគឺជាពេលដ៏មមាញឹកបំផុតរបស់តារាសម្ដែង ត្បិតនេះគឺជាពេលដែលស្ទើរតែគ្រប់កម្មវិធីប្រគល់ពាននឹងត្រូវបានប្រព្រឹត្តឡើយ។ ប្រភពដដែលបានបូកសុរបនូវទឹកមុខរបស់សិល្បការិនី នៅពេលដែលខ្លួនរបូត មិនជាប់ពានដែលខ្លួនជាប់ជាបេក្ខភាព។

តាមនោះដែរ QQ បង្ហាញឲ្យឃើញថា ដោយសារតែជាកម្មវិធីធំ មានសិល្បករចូលរួមរាប់រយនាក់ ទោះបីជារបូតពានក៏ពិតមែន តែសិល្បការិនីភាគច្រើននៅតែរក្សាបានវិជ្ជាជីវៈបានល្អ ពោលគឺនៅតែញញឹមនឹងជូនពរដល់គូប្រកួតរបស់ខ្លួន។ យ៉ាងណាក្ដី នេះមិនមែនមានន័យថា តារាណាក៏រក្សាបានអារម្មណ៍ល្អនោះឡើយ ត្បិតក៏មានករណីដូចជា តារាសម្ដែងស្រី Song Qian នៅពេលរបូតតំណែងតារាសម្ដែងស្រីប្រជាប្រិយភាពបំផុតឆ្នាំ ២០២០ ទៅលើ Zhao Liying គឺទប់ចិត្តមិនបាន ដោយជ្រុលពេបមាត់ដាក់គូប្រកួត ហើយត្រូវបានកាមេរ៉ាចាប់បាន។

អ្វីដែលគេចាប់អារម្មណ៍នោះគឺ ក្រោយនោះបន្តិច នៅពេលរបូតពានតារាសម្ដែងឆ្នើមបំផុត ចូលដៃអ្នកដទៃ Zhao Liying នៅតែញញឺមអបអរដល់មិត្តរួមការងាររបស់ខ្លួន។ បន្ថែមពីនេះ តារាដែលចូលរួមអបអរដល់មិត្តរួមការងារនៅមានដូចជា Yang Zi អបអរ Dilireba ផងដែរ៕