ជិតដល់ថ្ងៃរើសរាជិនីបក្សីមាសថ្មី Zhao Liying ត្រូវរើសថាជារាជិនីស្អាតជាងគេ

2021-12-20 07:25:00
ចំនួនមតិ 0 | ចំនួនចែករំលែក 0

រាល់ពីរឆ្នាំម្ដង វិស័យភាពយន្តចិន នឹងជ្រើសយករាជិនីបក្សីមាស ដើម្បីបើកឆាកកម្មវិធីប្រគល់រង្វាន់ភាពយន្ត Golden Rooster Awards ហើយនៅពេលនេះគឺជិតដល់ពេលរើសយកអ្នកបើកកម្មវិធីថ្មីហើយ។ កាលពីថ្ងៃទី ១៩ ខែធ្នូកន្លងទៅនេះ បណ្ដាញព័ត៌មាន Sina បានរាយការណ៍ថា ក្រុមការងារកម្មវិធីរង្វាន់ភាពយន្ត Golden Rooster Awards ចាប់ផ្ដើមវគ្គជម្រុះនៃការជ្រើសរើស រាជិនីបក្សីមាសថ្មី ដើម្បីបើកកម្មវិធីហើយ។

ក្រុមការងារនៃកម្មវិធីបានប្រាប់ទៅកាន់បណ្ដាញព័ត៌មានថា លក្ខខណ្ឌជ្រើសរើសរាជិនីថ្មីគឺខុសប្លែកពីមុន ដោយពីមុន គឺសំអាងលើតែសមត្ថភាព ក៏ដូចជាភាពល្បីឈ្មោះរបស់តារាស្រីរូបនោះប៉ុណ្ណោះ យ៉ាងណាក្ដី នៅពេលនេះគឺមានការបន្ថែមដោយ មិនអនុញ្ញាតឲ្យតារាស្រីដែលលមានរឿងអាស្រូវធ្វើជារាជិនីនោះឡើយ គឺទាល់តែមានប្រវត្តិស្អាតតែម្ដង ទើបអាចជាប់វគ្គជម្រុះ។

ទន្ទឹមនឹងការរើស អ្នកបើកកម្មវិធីថ្មីនេះ មនុស្សជាច្រើនបានជ្រើសរើស កំពូលតារាសម្ដែងស្រី Zhao Liying ជារាជិនីបក្សីមាសស្អាតជាងគេនៅក្នុងប្រវត្តិសាស្ត្រ ដោយមិនទាន់មានអ្នកណាស្អាតជាងអ្នកម្ដាយកូន១នោះទេ។ ទាំងទឹកមុខ និងរូបសម្បត្តិកាលពី ៧ឆ្នាំមុនរបស់ស្រីស្អាតអាយុ ៣៤ឆ្នាំ គឺល្អឥតខ្ចោះ គ្មានកន្លែងទាស់ឡើយ ហើយហ្វេនមិនតិចឡើយដែលសង្ឃឹមថា នាងនឹងត្រូវគេរើសម្ដងទៀត ត្បិតឆ្នាំនេះ នាងមានស្នាដៃល្បីឈ្មោះ Who is the Murderer ចាក់ផ្សាយ៕