ការណាត់ជួបរកសង្សារតាមប្រព័ន្ធអ៊ីនធឺណែតជាលើកដំបូងគឺមិនមែនជារឿងងាយស្រួលនោះទេ ជាពិសេសនៅពេលដែលអ្នកមិនធ្លាប់មានបទពិសោធជាមួយនឹងរឿងទាំងអស់នោះ ឬមិនដឹងពីវិធីល្អៗក្នុងការធ្វើឲ្យអ្នកទទួលបានជោគជ័យក្នុងការស្វែងរកដៃគូសង្សារ។

អ្នកប្រហែលជាឆ្ងល់ថាខ្លួនឯងខិតខំថែរក្សារាង ថែរក្សាសម្រស់ តែងខ្លួនស្អាតៗដែរ នូវតែមិនអាចរកបានសង្សារមួយនឹងគេទៀត។ ទាំងនេះវាអាចបណ្ដាលមកពីមូលហេតុជាច្រើនដែលអ្នកខ្លួនឯងមិនបានចាប់អារម្មណ៍ឡើយ ការមិនព្រមបើកចំហអំពីអ្វីដែលអ្នកចង់បាន ឬការខ្មាស់អៀនមិនហ៊ានដោយសារតែអ្នកមិនធ្លាប់ ហើយនឹងអាចបណ្ដាលមកពីភាពខ្ជិលច្រអូសរបស់អ្នកក៏ថាបាន។ អ្នកត្រូវតែធ្វើការកែប្រែទម្លាប់ចាស់ៗចោលដើម្បីឲ្យទទួលបានភាពជោគជ័យ។

វិធីសាស្ត្រល្អៗទាំង ៣ យ៉ាងក្នុងការស្វែងរកដៃគូសង្សារឲ្យបានជោគជ័យ៖

១. ការជ្រើសរើសកម្មវិធីណាត់ជួប មានន័យថាប្រើតែកម្មវិធីណាត់ជួបអនឡាយតែមួយឬពីរបានហើយ កុំកម្មវិធីមានប៉ុន្មានសម្រុកប្រើទាំងអស់នោះ វាធ្វើឲ្យគេមើលមកថាអ្នកកំពុងតែចង់ខ្លាំងមែនទែន និងធ្វើឲ្យគេវាយតម្លៃមកលើអ្នកភា្លមៗ។

២. ការជជែកស្វែងយល់គ្នាជាសារឬវីដេអូ វិធីនេះដើម្បីធានាថាតើគេចូលចិត្តអ្នកព្រោះតែរូបភាព ឬក៏គេពិតជាចង់ជួបអ្នកក្នុងជីវិតពិតមែនឬអត់នៅពេលដែលឃើញអ្នកនៅក្នុងវីដេអូនោះ។

៣. ក្លាហានក្នុងការណាត់ជួប ធ្វើការណាត់ជួបទៅផឹកតែ ឬកាហ្វេដើម្បីជាការចាប់ផ្តើម ហើយវាជាការចាប់ផ្ដើមដើម្បីស្វែងយល់ពីបុគ្គលិកលក្ខណៈ និងអតចរិតគ្នាទៅវិញទៅមក។

ការដាក់រូបប្រូហ្វាល់ឲ្យមើលទៅស្អាតទាក់ទាញ ការសន្ទនាគ្រាដំបូង ការផ្ញើសារជាអក្សរឬសំឡេង និងជាវីដេអូគឺជាជំហានដំបូងមួយ។ ហើយការណាត់ជួបទល់មុខគ្នាគឺជាវិធីដ៏ល្អ ពីព្រោះអ្នកអាចស្វែងយល់ចិត្តគ្នាបានច្បាស់ជាងនៅពេលដែលអ្នកបានជួបគ្នា អង្គុយទល់មុខគ្នា ឃើញមុខគ្នាដែលធ្វើឲ្យអ្នកទាំងពីរអាចឈានទៅដល់ការណាត់ជួបជាលក្ខណៈគូសង្សារនៅពេលក្រោយថែមទៀតផង ប្រសិនបើអ្នកទាំងពីរពិតជាចូលចិត្តគ្នាមែននោះ៕

ប្រភពរូបភាព៖ Pinterest

ចុចអានបន្ត៖

• សញ្ញាទាំង ៥ យ៉ាងដែលបញ្ជាក់ថាអតីតរបស់អ្នកនៅតែស្រឡាញ់អ្នកខ្លាំងណាស់
• វិធីសាស្ត្រល្អៗ ៨ យ៉ាងរបស់ស្ត្រីឆ្លាតក្នុងការដោះស្រាយបញ្ហានៅក្នុងទំនាក់ទំនងស្នេហារបស់នាង