នៅពេលមានជម្លោះដៃគូសង្សារតែងតែនិយាយពាក្យអាក្រក់ដាក់គ្នាទៅវិញទៅមក ដែលបណ្តាលឲ្យមានការឈឺចាប់ទាំងសងខាង និងឈានទៅដល់ការបែកបាក់គ្នាដែលវាមិនមែនជាពេលល្អក្នុងការចែកផ្លូវគ្នាឡើយ។ ប៉ុន្តែអ្នកគ្រាន់តែដឹងថាវាមិនអាចបន្ដដំណើរទៅមុខបានបន្ទាប់ពីការខិតខំប្រឹងប្រែងជួសជុល ហើយទីបញ្ចប់អ្នកនឹងទទួលយកការពិតដោយសន្តិ​វិធី។

ពេលខ្លះការបែកបាក់គ្នាមិនមែនមានន័យថាអ្វីៗទាំងអស់នឹងត្រូវបានបញ្ជប់នោះទេ ឬអ្នកអស់អារម្មណ៍អស់ចិត្តពីគ្នាឡើយ។ វាអាចជាការសម្រេចចិត្តខុសនៅពេលដែលអ្នកខឹង និងពេលមានជម្លោះប៉ុណ្ណោះ ហេតុដូច្នេះហើយបានជាអតីតមួយចំនួននៅតែមានចិត្ត មានក្តីស្រឡាញ់ចំពោះអ្នកជានិច្ច បើទោះបីជាបានបែកបាក់គ្នារួចទៅហើយ។

តើអ្នកកំពុងតែគិតថាចង់បានអតីតរបស់អ្នកមកវិញមែនទេ? ប៉ុន្តែអ្នកមិនប្រាកដថាគេមានអារម្មណ៍ចង់បានអ្នកដូចជាអ្នកចង់បានគេវិញដែលឬអត់។ សញ្ញាទាំង ៥ ខាងក្រោមនេះអាចបញ្ជាក់បានថាអតីតរបស់អ្នកនៅតែស្រឡាញ់អ្នកខ្លាំងណាស់៖

• គាត់ព្យាយាមនិយាយ និងភ្ជាប់ទំនាក់ទំនងជាមួយអ្នកគ្រប់ពេលវេលា
• គាត់ធ្វើឲ្យអ្នកមានអារម្មណ៍ស្រងាកចិត្តនឹកឃើញអំពីអតីតកាលជាមួយគាត់
• គាត់តែងតែសួរអ្នកជារើយៗប្រសិនបើអ្នកមានអ្នកថ្មីហើយឬនៅ
• គាត់នឹងប្រឹងប្រែងធ្វើរឿងគ្រប់យ៉ាងដើម្បីបានជួប បានចំណាយពេលជាមួយអ្នកសាជាថ្មី
• ហើយថ្ងៃណាមួយគាត់នឹងសួរអ្នក ប្រសិនបើអ្នកចង់ត្រឡប់ត្រូវគ្នាជាមួយគាត់វិញ

សូមចងចាំថាមនុស្សនឹងមានការផ្លាស់ប្ដូរកែប្រែបន្ទាប់ពីពួកគេបានបាត់បង់អ្វីមួយដែលខ្លួនស្រឡាញ់។ ប្រសិនបើអ្នកសម្រេចចិត្តនឹងផ្តល់ឱកាសឲ្យគ្នានៅថ្ងៃអនាគតនោះ វានឹងខុសកាលពីមុន ដោយសារអ្នកទាំងពីរដឹងអំពីកំហុសឆ្គងដែលបានកើតឡើងកន្លងមក។ ហើយអ្នកនឹងព្យាយាមប្តេជ្ញាចិត្តក្នុងការកែប្រែទាំងអស់គ្នាដើម្បីធ្វើឲ្យទំនាក់ទំនងនាពេលអនាគតបានប្រសើរឡើង និងមានសុភមង្គល៕

ប្រភពរូបភាព៖ Pinterest

ចុចអានបន្ត៖

• វិធីសាស្ត្រល្អៗ ៨ យ៉ាងរបស់ស្ត្រីឆ្លាតក្នុងការដោះស្រាយបញ្ហានៅក្នុងទំនាក់ទំនងស្នេហារបស់នាង
• ហេតុផល ៦ យ៉ាងនៃការមានដៃគូអាយុចាស់ជាងខ្លួនធ្វើឲ្យទំនាក់ទំនងស្នេហាល្អពេញមួយជីវិត