តាមការស្ទាបស្ទង់មតិទៅលើដៃគូស្វាមីភរិយាជាច្រើនក្នុងពេលថ្មីៗនេះបានបង្ហាញថាស្ត្រី ឬបុរសណាដែលបានរៀបការជាមួយដៃគូដែលមានអាយុឆ្ងាយពីគ្នា (ក្មេងជាង ឬចាស់ជាង) នឹងទទួលបានទំនាក់ទំនងស្នេហាដ៏មានសុភមង្គលពេញមួយជីវិត។ នៅពេលដែលអ្នកមានដៃគូដែលមានអាយុចាស់ជាង គាត់នោះមានការយល់ដឹងច្រើនអំពីបញ្ហាជីវិតរួចទៅហើយដែលធ្វើឲ្យគាត់មានចិត្តគំនិតចាស់ទុំ ចេះគិតវែងឆ្ងាយ ចេះអត់ធ្មត់ និងចេះធ្វើការដោះស្រាយរាល់បញ្ហានានាដែលអាចនឹងកើតមានឡើងនៅក្នុងជីវិតស្នេហារបស់គាត់។

តាមការពិតវាមានហេតុផលជាច្រើនដែលការទៅរកនរណាម្នាក់ដែលមានអាយុលើសពីអ្នក ឬក៏ក្មេងជាងអ្នកមករៀបការជាមួយគ្នាអាចនាំឲ្យចំណងអាពាហ៍ពិពាហ៍របស់អ្នកទទួលបានសុភមង្គលជារៀងរហូត។ ហើយការមានអាយុខុសគ្នាឆ្ងាយរវាងគូស្វាមីភរិយា ភាគច្រើននៃការប្ដេជ្ញាចិត្តរបស់ពួកគេគឺមានឆន្ទៈខ្ពស់ក្នុងការរក្សាទំនាក់ទំនងស្នេហាឲ្យនៅស្ថិតស្ថេរជារៀងរហូត។

ទាំងនេះគឺជាមូលហេតុធំៗ ៦ យ៉ាងដែលការរៀបការជាមួយដៃគូដែលមានអាយុឆ្ងាយពីគ្នាអាចធ្វើឲ្យទំនាក់ទំនងអាពាហ៍ពិពាហ៍របស់អ្នកទទួលបានសុភមង្គលពេញមួយជីវិត៖

១. ពួកគេទាំងពីរដឹងរួចទៅហើយថាពួកគេចង់បានអ្វីនៅក្នុងជីវិតស្នេហា ហើយអាយុខុសគ្នានេះធ្វើឲ្យពួកគេចេះផ្ដល់អទិភាពនឹងគោរពឲ្យតម្លៃគ្នាទៅវិញទៅមក

២. ដៃគូដែលមានអាយុចាស់ជាងមានការយល់ដឹងច្បាស់លាស់អំពីអ្វីដែលប្តីឬប្រពន្ធក្មេងជាងរបស់គាត់ត្រូវការ

៣. អាពាហ៍ពិពាហ៍របស់ពួកគេមានការរួមបញ្ចូលគ្នារវាងប្រាជ្ញាការយល់ដឹងរបស់ដៃគូទាំងសងខាង និងកម្លាំងថាមពលក្នុងការកសាងសុភមង្គល

៤. ពួកគេមានរឿងជាច្រើន និងបទពីសោធល្អៗក្នុងការចែករំលែកជាមួយគ្នា ហើយនឹងបង្រៀនគ្នាទៅលើចំណុចខ្វះខាតរបស់ដៃគូ

៥. គោលបំណងនៃទំនាក់ទំនងរបស់ពួកគេមានការវិវត្តន៍លឿន និងបានល្អប្រើសើរជាងដៃគូធម្មតាដទៃទៀត

៦. ពួកគេមានការខិតខំព្យាយាមខ្លាំងដើម្បីធ្វើឲ្យទំនាក់ទំនងស្នេហារបស់ពួកគេដំណើរទៅមុខដោយរលូន និងទទួលបានសុភមង្គល

យោងទៅតាមអ្នកជំនាញគូស្វាមីភរិយាបានប្រាប់ថាការរៀបការជាមួយដៃគូដែលមានអាយុឆ្ងាយពីគ្នាក៏អាចប្រឈមនឹងបញ្ហាតូចៗមួយចំនួនដូចជាការមាក់ងាយ ការមិនពេញចិត្តរបស់សង្គមមនុស្ស ឬការមិនគាំទ្រពីមិត្តភក្តិក្រុមគ្រួសារជាដើម។ ក្រៅពីនេះកង្វល់អំពីបញ្ហាសុខភាពក៏ជាកត្តាដែលអាចប៉ះពាល់ដល់ទំនាក់ទំនងរបស់ពួកគេផងដែរ។

ប៉ុន្តែរឿងទាំងនេះបានធ្វើឲ្យពួកគេចេះឆ្លងកាត់ឧបសគ្គពិបាកៗជាមួយគ្នានៅគ្រាដំបូង ហើយជាលទ្ធផលធ្វើឲ្យទំនាក់ទំនងរបស់ពួកគេនឹងរឹងមាំ។ ដរាបណាទំនាក់ទំនងនោះត្រូវបានបង្កើតឡើងដោយការជឿជាក់ ការប្តេជ្ញាចិត្ត និងការគោរពឲ្យតម្លៃគ្នា អាពាហ៍ពិពាហ៍នោះទំនងច្រើនតែជោគជ័យមានសុភមង្គល ដោយមិនគិតពីអាយុឡើយ៕

ប្រភពរូបភាព៖ Pexels, Pinterest

ចុចអានបន្ត៖

• សកម្មភាពទាំង ៥ យ៉ាងនេះដែលសុភាពបុរសពិតតែងតែធ្វើនៅក្នុងទំនាក់ទំនងស្នេហា
• ហេតុផលទាំង ៦ យ៉ាងនេះហើយដែលធ្វើឲ្យដៃគូសង្សារឈានដល់ការក្បត់ចិត្តគ្នា