ទំនាក់ទំនងស្នេហាទាំងអស់មិនថាគូស្នេហ៍ មិត្តភក្តិ ឬក្រុមគ្រួសារឡើយវាតែងតែមានភាពសប្បាយរីករាយ ការកើតទុក្ខ និងជម្លោះ និងការប៉ះទង្គិចគ្នាជារឿយៗ។ អ្នកខ្លះអាចថែរក្សាទំនាក់ទំនងស្នេហារបស់ពួកគេឲ្យមានសុភមង្គលដ៏អស្ចារ្យនឹងបានគង់វង្សយូរអង្វែង ហើយខ្លះទៀតក៏មិនអាច។ វាអាស្រ័យទៅលើការខិតខំព្យាយាមរបស់អ្នក ការឆ្លងកាត់ឧបសគ្គ ការប្តេជ្ញាចិត្ត និងឆន្ទៈក្នុងការសម្របសម្រួលគ្នាជាមួយដៃគូរបស់អ្នកនៅក្នុងទំនាក់ទំនងស្នេហា។

បើទោះបីជាអ្នកធ្លាប់មានទំនាក់ទំនងដែលបរាជ័យជាច្រើនលើកក្នុងពេលកន្លងមកក៏ដោយ ឬកំពុងតែជួបការលំបាកក្នុងការបង្កើតទំនាក់ទំនងស្នេហាឲ្យមានសុភមង្គលនោះ។

ដល់ពេលដែលអ្នកត្រូវតែធ្វើការអនុវត្តតាមគោលការណ៍សំខាន់ៗទាំងបីខាងក្រោមនេះហើយដើម្បីទទួលបានសុភមង្គលអស្ចារ្យ៖

១. ការប្រាស្រ័យទាក់ទងគ្នាដោយបើកចំហ និងផ្ដល់ភាពស្មោះត្រង់ជាមួយដៃគូរបស់អ្នកក្នុងការពិភាក្សារកដំណោះស្រាយគ្រប់រឿង។

២. ការប្តេជ្ញាចិត្តចំណាយពេលវេលា រួមសុខរួមទុក្ខ និងការចែករំលែកគោលដៅដើរឈ្ពោះទៅអនាគតជាមួយគ្នាប្រកបដោយក្ដីស្រឡាញ់។

៣. ស្វែងរកអ្វីមួយដែលអ្នកចូលចិត្តធ្វើជាមួយគ្នា ឬក៏សាកល្បងអ្វីៗដែលថ្មីជាមួយគ្នា ហើយអ្វីដែលសំខាន់នោះគឺផ្តោតលើការសប្បាយចិត្តរបស់ដៃគូរទាំងសងខាង។

វានឹងមិនមានសុភមង្គលពិតប្រាកដទេប្រសិនបើអ្នកមិនមានឆន្ទៈខ្ពស់ក្នុងការសម្របសម្រួលដោះស្រាយ ឬមិនអាចអភ័យទោសឲ្យគ្នាទៅវិញទៅមកនោះ។ ការអភ័យទោស និងការផ្តល់ឱកាសឲ្យគ្នាគឺជាវិធីក្នុងការដោះស្រាយជម្លោះ និងផ្តល់សុភមង្គលដល់ពិតប្រាកដនៅក្នុងទំនាក់ទំនងស្នេហារបស់អ្នក៕

ប្រភពរូបភាព៖ Pinterest

ចុចអានបន្ត៖

• ៥ វិធីធ្វើឲ្យ CRUSH នឹងសារភាពពីអារម្មណ៍ពិតរបស់គាត់ប្រាប់អ្នកភ្លាម
• ពាក្យពេចន៍ ៦ ឃ្លាដែលបុរសស្មោះពិតតែងតែនិយាយទៅកាន់ដៃគូសង្សាររបស់គាត់