នៅពេលដែលអ្នកកំពុងស្រឡាញ់នរណាម្នាក់ ឬមានគេលួចស្រឡាញ់អ្នកនោះ អ្នកតែងតែចង់ដឹងថាតើគេម្នាក់នោះកំពុងតែមានអារម្មណ៍ដូចគ្នាដែលឬអត់។ អ្នកណាៗក៏ធ្លាប់ឆ្លងកាត់រឿងបែបនេះដែរ អ្នកខ្លះខិតខំព្យាយាមរិះរកវិធីជាច្រើនដើម្បីឲ្យបានដឹង និងដើម្បីធ្វើឲ្យបុរសម្នាក់នោះសារភាពអំពីអារម្មណ៍ពិតរបស់គេចំពោះអ្នក។

យ៉ាងណាមិញបុរសគឺជាមនុស្សដែលធ្វើការបង្ហាញអំពីអារម្មណ៍របស់ពួកគេតាមវិធីផ្សេងៗគ្នាដែលផ្ទុយស្រលះពីមនុស្សស្រី។ ប៉ុន្តែតាមរយៈការអនុវត្តវិធីល្អៗមួយចំនួនរបស់ស្ត្រី ពួកគេពិតជាអាចធ្វើឲ្យបុរសបើកចំហអំពីអារម្មណ៍ពិតរបស់ពួកគាត់ទៅកាន់នារីនោះបាន។

ប្រសិនបើអ្នកពិតជាចង់ដឹងថាតើគាត់នោះមានអារម្មណ៍ស្រឡាញ់ គិតអំពីអ្នកដូចដែលអ្នកមានចំពោះគាត់ឬអត់ អ្នកអាចធ្វើការអនុវត្តតាមវិធីទាំង ៥ ខាងក្រោមនេះ៖

• ធ្វើការឆ្លើយតបទៅនឹងភាសាកាយវិការរបស់គាត់វិញ
• តែងតែបង្ហាញពីការដឹងគុណរបស់អ្នកចំពោះគាត់ជានិច្ច
• បង្កើតភាពរីករាយជាមួយគ្នាទៅវិញទៅមកឲ្យបានច្រើន
• បង្ហាញអំពីចំណាប់អារម្មណ៍របស់អ្នកចំពោះអ្វីៗដែលគាត់យកចិត្តទុកដាក់ខ្លាំង
• ហើយអ្នកអាចធ្វើការសួរត្រង់ៗទៅកាន់គាត់តែម្ដង

វាជាការពិតណាស់ដែលបុរសៗមួយចំនួននឹងមិនធ្វើការបើកចំហអំពីអារម្មណ៍របស់ពួកគេនោះទេ តែទោះជាយ៉ាងណាក៏ដោយនៅពេលដែលអ្នកព្យាយាអនុវត្តធ្វើតាមវិធីទាំងប៉ុន្មានខាងលើនេះវានឹងជួយធ្វើឲ្យអ្នកស្ថិតនៅក្នុងស្ថានភាពមួយដ៏ល្អប្រសើរជាងមុន និងប្រហែលជាអាចធ្វើឲ្យបុរសខ្លះនឹងសារភាពអំពីអារម្មណ៍ពិតរបស់គាត់ចេញមក។ ត្រូវចាំថាបុរសខ្លះគាត់គ្រាន់តែត្រូវការពេលវេលាប៉ុណ្ណោះ ដូច្នេះអ្នកគ្រាន់តែរក្សាភាពអត់ធ្មត់របស់អ្នកតាមដែលអាចធ្វើទៅបាន៕

ប្រភពរូបភាព៖ Pinterest

ចុចអានបន្ត៖

• ពាក្យពេចន៍ ៦ ឃ្លាដែលបុរសស្មោះពិតតែងតែនិយាយទៅកាន់ដៃគូសង្សាររបស់គាត់
• មូលហេតុ ៦ យ៉ាងនេះហើយដែលធ្វើឲ្យអ្នកខ្លះមិនចង់បានទំនាក់ទំនងស្នេហា