តិចនិកសម្រកគីឡូ និងរក្សារាងឲ្យស្ដើង ដឹងហើយអាណិតតារាចិនអាចទ្រាំធ្វើបាន

2021-12-02 03:55:00
ចំនួនមតិ 0 | ចំនួនចែករំលែក 0

ដើម្បីរក្សារាងឲ្យស្រស់ស្អាតគ្រប់ពេលចូលកាមេរ៉ា តារាប្រុសស្រីចិនបានប្រើវិធីជាច្រើនដើម្បីសម្រកទំងន់ និងរក្សារាងឲ្យស្ដើង។

មុននេះបន្តិច បណ្ដាញព័ត៌មាន QQ បានរាយការណ៍ថា ពិភពសិល្បៈចិនពីមួយថ្ងៃទៅមួយថ្ងៃ កាន់តែពេញនិយមសិល្បករដែលមានរាងស្ដើង ដែលធ្វើឲ្យតារាជាច្រើនត្រូវមានរបបអាហារតឹងរឹងមែនទែនដើម្បីរក្សា។ ប្រភពខាងលើក៏បង្ហើបពីតិចនិករបស់តារាមួយចំនួនដែលមានប្រសិទ្ធិភាពជាងគេក្នុងការសម្រករាង និងរក្សារាង។

១. Yang Mi ញ៉ាំមីមួយសរសៃ។ Yang Mi ដាក់កំហិតឲ្យខ្លួនឯងថា ទោះបីជាចូលរួមក្នុងកម្មវិធីពាក់ព័ន្ធនឹងអាហារក៏ដោយ ក៏នាងមិនញ៉ាំលើសពីមួយម៉ាត់ដែរ ព្រោះវាស្ថិតនៅក្រៅរបបអាហារដែលនាងបានកំណត់រួចហើយ។ ដូចនេះហើយ ពេលចូលកម្មវិធី តួរឿង និស្ស័យសេ្នហ៍ទេវតា៣ជាតិញ៉ាំមីតែមួយសរសៃប៉ុណ្ណោះ។

២. Huang Xiaoming ញ៉ាំមីមួយសរសៃដូចគ្នា។ តារាសម្ដែងប្រុសរូបនេះមានរបបអាហារតឹងរឹងបំផុត ដោយបើស្ថិតក្នុងពេលថតរឿងថ្មី គឺលោកញ៉ាំតែផ្លែប៉ោមប៉ុណ្ណោះ ដូចនេះហើយ ពេលចូលកម្មវិធីញ៉ាំអាហារលោកភ្លក់តែមីមួយសរសៃប៉ុណ្ណោះ។

៣. Ju Jing Yi ទំពារ៨៤ដង។ ស្រីស្អាត ៣៧គីឡូបានឲ្យដឹងថា នៅពេលនាងទំពារយូរ គឺអាចបន្លប់ខួរក្បាលថាដូចនាងបានញ៉ាំបានច្រើនរួចហើយ ធ្វើឲ្យនាងញ៉ាំតិចជាងមុន តែនៅតែមានអារម្មណ៍ថាដូចញ៉ាំច្រើន។

៤. Angelababy ញ៉ាំតែស៊ុតមួយគ្រាប់។ ភរិយារបស់តារាសម្ដែងប្រុស Huang Xiaoming បានបង្ហើបថា ក្រោយពេលសម្រាលកូន ដើម្បីយកបានរាងដូចដើមវិញអាហារមួយពេល នាងញ៉ាំតែបន្លែ និងស៊ុតមួយគ្រាប់ប៉ុណ្ណោះ។

៥. Zhao Lusi ផឹកតែទឹក។ តារាស្រីកំពុងឡើងកូដរូបនេះបានឲ្យដឹងថា ដើម្បីកុំឲ្យខ្លួនញ៉ាំច្រើនពេក គឺនាងផឹកទឹកឲ្យបានច្រើនពេលឃ្លាន ដើម្បីបំពេញពោះ បន្លប់ភាពឃ្លាន៕

ប្រភព៖ saostar ប្រែសម្រួល៖ Caramel