ចាប់តាំងពីថ្ងៃទី ១៥ ខែនេះប្រទេសកម្ពុជាយើងបានបើកដំណើរការឡើងវិញដែលបានអនុញ្ញាតឲ្យប្រជាជនអាចធ្វើដំណើរនៅតាមបណ្ដាលខេត្តនានាបាន។ មនុស្សមួយចំនួនធំមិនបានទៅណាមកណាអស់រយៈពេលជិតពីរឆ្នាំហើយ និងដោយសារតែការផ្លាស់ប្តូរនៃរបៀបរស់បែបនេះបានធ្វើឲ្យម្នាក់ៗទទួលរងសម្ពាធយ៉ាងខ្លាំងនឹងមានអារម្មណ៍ស្ត្រេសយ៉ាងធ្ងន់ធ្ងរ។

ដោយសារការបើកប្រទេសវិញ មានមនុស្សជាច្រើនបានកំពុងធ្វើដំណើរកម្សាន្ត ដើរលេងសប្បាយៗជារៀងរាល់ថ្ងៃ។ ខាងក្រោមនេះគឺជាទីកនែ្លងស្រស់ស្អាតមួយចំនួនដែលអ្នកគួរតែទៅលេងនៅតាមតំបន់ទេសចរណ៍ក្នុងស្រុកយើង៖

១. សម្រាកលំហែកាយនៅលើឆេ្នរខ្សាច់ កោះរ៉ុង និងកោះរ៉ុងសន្លឹម មានឆេ្នរខ្សាច់សក្បុសស្រស់ស្អាតដ៏អស្ចារ្យ ដែលល្អបំផុតសម្រាប់ការសម្រាកលំហែកាយ បន្ថយអស់ទុក្ខកង្វល់។ អ្នកគួរតែចំណាយពេលខ្លះទៅលេង កាត់បន្ថយភាពតានតឹង ដកឃ្លារខ្លះពីសម្ពាធការងារ ក្រៅពីនេះអ្នកអាចក៏បានថតរូបស្អាតៗទុកជាអនុស្សាវរិយ៍ផងដែរ។

២. ការដើរផ្សងព្រងតាមតំបន់ភ្នំនានា ខ្នងផ្សារ គឺជាកន្លែងដ៏ពេញនិយមបំផុតក្នុងពេលឥលូវនេះ ដែលមានមនុស្សជាច្រើនបានទៅលេងជាក្រុមៗ ដើរត្រាច់ចរ ជាលក្ខណៈផ្សងព្រេងសប្បាយៗ។ ការចំណាយពេលជាមួយធម្មជាតិ ការចែករំលែកបទពិសោធ ពេលវេលា ភាពសប្បាយរីករាយជាមួយមិត្តភក្ដិ វានិងធ្វើឲ្យយើងមានអារម្មណ៍ល្អ និងចិត្តស្ងប់ពីកង្វល់ផ្សេងៗបាន។

៣. ការទស្សនាសែ្វងយល់អំពីវប្បធម៌បុរាណ ខេត្តសៀមរាម គឺជាទឹកដីនៃប្រវតិ្តសាស្ត្រ និងបុរាណវិទ្យា។ ភាគច្រើនគឺគេទៅលេងទីនោះដោយសារមើលបានទាំងប្រាសាទបុរាណផង ព្រងទាំងបានទស្សនាតំបន់ជនបទ វាលស្រែ បឹង ទនេ្ល ការមើលថ្ងៃរះនិងថ្ងៃលិចពីប្រាសាទ ឬពីកន្លែងពិសេសៗ។ ចំពោះការជិះកង់ គឺពេញនិយមខ្លាំងណាស់ ទាំងអ្នកទៅលេង និងអ្នករស់នៅទីនោះ។

៤. ការចំណាយពេលតាមរមណីយដ្ឋាន កន្លែងដែលកំពុងពេញនិយមសម្រាប់ចុងសប្តាហ៍ជាមួយគ្រួសារ មិត្តភកិ្ត និងគូសេ្នហ៍ មានជាច្រើនកន្លែងណាស់។ ទឹកជ្រោះជ្រាវដែលស្ថិតនៅជាប់ព្រំប្រទល់ខេត្តបី មានភាពស្ងប់ស្ងាត់ និងស្រស់ស្អាត។ ហើយក៏មានគីរីរម្យដែលពេញនិយមខ្លាំង។ ខេត្តកែបនិងកំពតជាដើម ដែលអ្នកអាចទៅលេងហើយស្នាក់នៅមួយយប់ ឬពីរយប់ក៏បាន៕

ប្រភពរូបភាព៖ Pexels, Pinterest, exposuresiemreap

ចុចអានបន្ត៖

• ប្រភេទមនុស្ស ៥ យ៉ាងដែលអាចនឹងឆក់យកសុភមង្គលពីអ្នកបាន
• វិធីថែទាំនឹងការពារខ្លួនឯងក្នុងរដូវភ្លៀង ទាំងសុខភាព និងការធ្វើដំណើរ