ក្រោយលែងលះ Yang Mi, Harwick Lau កាន់តែមានជីវីតស្ងប់ស្ងាត់
- 2021-11-24 02:55:00
- ចំនួនមតិ 0 | ចំនួនចែករំលែក 0
ក្រោយលែងលះ Yang Mi, Harwick Lau កាន់តែមានជីវីតស្ងប់ស្ងាត់
ប្រៀបធៀបនឹងរយៈពេលនៅជាប្ដីប្រពន្ធជាមួយកំពូលតារាសម្ដែងស្រីចិន Yang Mi នៅពេលនេះប្រជាប្រិយរបស់តារាសម្ដែងប្រុសហុងកុង Harwick Lau ធ្លាក់ចុះច្រើនដល់ថ្នាក់នឹកស្មានមិនដល់។
កាលពីថ្ងៃទី ២៣ វិច្ឆិកាកន្លងទៅនេះ បណ្ដាញព័ត៌មាន Sina បានរាយការណ៍ថា តារាសម្ដែងប្រុសជួរមុខហុងកុង Harwick Lau បានមានវត្តមាននៅទីក្រុង Wuhan ប្រទេសចិនដើម្បីថតកម្មវិធីថ្មី។ មានវត្កមាននៅទីនេះ ប្រុសស្អាតអាយុ ៤៧ឆ្នាំ ធ្វើដំណើរទៅញ៉ាំអីនៅផ្សាររាត្រីដើម្បីផ្ដិតយករូបភាពនៅទីនេះនាពេលយប់។
យ៉ាងណាក្ដី អ្វីដែលធ្វើឲ្យគេចាប់អារម្មណ៍នោះគឺ នៅក្នុងកំឡុងពេលថតកម្មវិធីនៅទីនេះ ទាំងអាជីវករ និងអ្នកដើរផ្សារ ស្ទើរតែគ្មានអ្នកណាស្គាល់អតីតស្វាមីរបស់តារាសម្ដែងស្រី Yang Mi ទាំងអស់។ ប្រភពព័ត៌មានដដែលបានឲ្យដឹងថា កំឡុងពេលនៅជាប្ដីប្រពន្ធនឹងអតីតភរិយា មួយថ្ងៃៗ មានព័ត៌មានចុះពីលោករាប់ពាន់ ដោយរាល់សកម្មភាពរបស់លោកសុទ្ធតែទទួលបានការចាប់អារម្មណ៍ពីទស្សនិកជនទាំងអស់។
ផ្ទុយមកវិញ ក្រោយលែងលះ ខណៈតួរឿង Eternal Love នៅតែរក្សាបានប្រជាប្រិយភាពលើកំពូលនោះ Harwick Lau ហាក់ធ្លាក់ប្រជាប្រិយភាព ដោយកាលពីពាក់កណ្ដាលឆ្នាំលោកគ្មានរឿងសម្ដែង ត្រូវសម្ដែងល្ខោនដើម្បីរកថវិការទប់ទល់ជីវភាព និងចិញ្ចឹមកូនស្រី៕