តារាចម្រៀងប្រុសកូរ៉េស្រក៣គីឡូក្នុង១ថ្ងៃក្រោយបែកសង្សារ
- 2021-11-23 03:15:00
- ចំនួនមតិ 0 | ចំនួនចែករំលែក 0
តារាចម្រៀងប្រុសកូរ៉េស្រក៣គីឡូក្នុង១ថ្ងៃក្រោយបែកសង្សារ
តារាចម្រៀងប្រុសកូរ៉េ DEMIAN ប្រាប់ថា ក្រោយពីរងសម្ពាធខ្លាំងពេកព្រោះបែកបាក់មនោសញ្ចេតនា ធ្វើឲ្យលោកស្រកដល់ទៅ៣គីឡូក្នុងមួយថ្ងៃ។
កាលពីថ្ងៃទី ២២ ខែវិច្ឆិកាកន្លងទៅនេះ បណ្ដាញព័ត៌មាន Sports Ilbo បានរាយការណ៍ថា តារាចម្រៀង និងអ្នកនិពន្ធ DEMIAN បានចូលរួមជាភ្ញៀវកិត្តិយសក្នុងកម្មវិធី podcast Get Real។ មានវត្តមាននៅទីនេះ ប្រុសស្អាតអាយុ ២៧ឆ្នាំបានបង្ហើបពីប្រវត្តិមនោសញ្ចេតនារបស់ខ្លួននៅក្នុងអតីតកាល និងផលពិបាកដែលលោកត្រូវប្រឈមមុខរាល់ពេលបែកគ្នាម្ដងៗ។
យោងតាមសម្ដីរបស់ប្រុសស្អាតកើតឆ្នាំ ១៩៩៤ បានឲ្យដឹងថា លោកពិបាកបំផុតរាល់ពេលនិយាយពាក្យថាបែកគ្នាជាមួយនរណាម្នាក៉ ជាពិសេសគឺមុខទល់មុខ។ DEMIAN បន្តថា មានម្ដងនោះ ក្រោយពេលរកពាក្យនិយាយថាបែកគ្នាមិនបាន លោកស្ត្រេសដល់ថ្នាក់ជ្រុះសក់។
យ៉ាងណាក្ដី នេះមិនទាន់ជាករណីដែលធ្ងន់ធ្ងរជាងគេនៅឡើយទេ ដោយមានម្ដងនោះទៀត ដោយសារតែមិនហ៊ាននិយាយពាក្យថាបែក ព្រោះមិនដឹងថានិយាយបែបម៉េចនោះ បានធ្វើឲ្យស្រកដល់ទៅ៣គីឡូក្នុងមួយថ្ងៃ។ មូលហេតុដែលធ្វើឲ្យលោកមិនអាចនិយាយបែកគ្នាបាន ភាគច្រើនមិនមែនមកពីបុគ្គលម្នាក់នោះឡើយ ដោយមកពីកត្តាខាងក្រៅច្រើនជាង ដូចជាលោកគ្មានពេលសម្រាប់គេជាដើម។ DEMIAN បានបញ្ជាក់ថា មានវិធីបែកគ្នាច្រើន តែបែកគ្នាមុខទល់មុខគឺពិបាកបំផុត៕