រឿងថ្មីរបស់ Song Hye Kyo និង Jun Ji Hyun ស៊ីសាច់ហុតឈាមគ្នា
- 2021-11-17 04:55:00
- ចំនួនមតិ 0 | ចំនួនចែករំលែក 0
រឿងថ្មីរបស់ Song Hye Kyo និង Jun Ji Hyun ស៊ីសាច់ហុតឈាមគ្នា
សមរភូមិភាពយន្តភាគកូរ៉េ មានការចូលរួមប្រយុទ្ធពីខ្សែភាពយន្តរបស់តារាល្បីជាច្រើនដែលធ្វើឲ្យចំនួនអ្នកទស្សនាត្រូវប្រតាយប្រទង់គ្នាមិនធម្មតាឡើយ។
កាលពីថ្ងៃទី ១៦ ខែវិច្ឆិកាកន្លងទៅនេះ បណ្ដាញព័ត៌មាន Naver បានឲ្យដឹងថា ខ្សែភាពយន្តភាគថ្មីរបស់កំពូលតារាសម្ដែងស្រីកូរ៉េ Song Hye Kyo បានឈានជើងចូលសង្វៀនប្រយុទ្ធភាពយន្តខែវិច្ឆិកាជាផ្លូវការហើយ។ យោងតាមទិន្និន័យពី Nielsen Korea ភាគទី២នៃរឿង Now We Are Breaking Up មានចំនួនអ្នកទស្សនាកើនគួរឲ្យកត់សម្គាល់។ តាមនោះដែរ ក្នុងភាគ២ ជាមធ្យមមានអ្នកទស្សនា ៨% និងពេលខ្ពស់បំផុតគឺឡើងដល់ ១០.៥%ឯណោះ។
តាមជាប់កន្ទុយរឿងខាងលើ គឺជារឿង Jirisan របស់កំពូលតារាសម្ដែងស្រី Jun Jihyun ដែលមានចំនួនអ្នកទស្សនា ៧.៩%។ ទោះបីជានេះគឺជាតួលេខដ៏ខ្ពស់មួយមែនពិត តែបើធៀបនឹងភាគមុនគឺមានការធ្លាក់ចុះច្រើន ដោយមុននោះ រឿងនេះទទួលបានចំនួនអ្នកទស្សនា ៨.៩%ឯណោះ។
បណ្ដាញព័ត៌មានក្នុងស្រុកបានវាយតម្លៃថា វណ្ណកម្មថ្មីរបស់តួរឿង សង្សារខ្ញុំមកពីភពផ្កាយ បង្ហាញថានាងធ្លាក់ទឹកដៃខ្លាំង ត្បិតរឿងភាគ២មុនៗរបស់នាងរួមមាន My Love From the Star និង Legend of the Blue Sea សុទ្ធតែមានចំនួនអ្នកទស្សនាលើស៣០ និង២០%ទាំងអស់ ដែលធ្វើឲ្យតួលេខ មិនដល់១០%នៃរឿងថ្មីនេះគឺទាបបំផុត៕