សម្រាប់មនុស្សមួយចំនួនគិតថាការមានទំនាក់ទំនងមិត្តភាពជាមួយបុរសៗគឺជារឿងចម្លែក ឬជារឿងខុសឆ្គងនឹងគ្មានសុវត្ថិភាពសម្រាប់ខ្លួនជានារីៗ។ ប៉ុន្តែក៏មានមនុស្សជាច្រើនយល់ស្របថាការមានទំនាក់ទំនងមិត្តភាពជាមួយបុរសៗគឺជារឿងដ៏គួរឲ្យរំភើបរីករាយ និងទទួលបានរឿងល្អៗជាច្រើនសម្រាប់ពួកគេ ដូចជាការការពារពេលទៅទីណាគ្មានសុវត្ថិភាព និងការយល់ចិត្តជាដើម។

ទោះជាយ៉ាងណាក៏ដោយការមានបុរសម្នាក់ ពីរបីនាក់ឬច្រើនអ្នកជាមិត្តសម្លាញ់អាចបញ្ជាក់បានថា អ្នកអាចនឹងទទួលបានទាំងគុណសម្បត្តិ និងគុណវិបត្តិចំពោះមិត្តភាពរបស់អ្នក ពីព្រោះមិនមែនមនុស្សគ្រប់គ្នាសុទ្ធតែមានការគិតខុសគ្នា ហើយពួកគេក៏មិនអាចដឺងអំពីអ្វីដែលនឹងកើតឡើងនៅថ្ងៃមុខបានដែរ ដែលទាក់ទងទៅនឹងការវិវត្តន៍នៃអារម្មណ៍។ ដូច្នេះសម្រាប់នារីត្រូវចងចាំថាការមានមិត្តសម្លាញ់ប្រុសអាចទទួលបានទាំងគុណសម្បត្តិនឹងគុណវិបត្តិ។

គុណសម្បត្តិ ៣ យ៉ាងសម្រាប់នារីៗដែលមានមិត្តសម្លាញ់ប្រុស៖

១. គេនឹងមិនវិនិច្ឆយអ្នក តែគេនឹងធ្វើការគាំទ្រអ្នកច្រើនៗដែលធ្វើឲ្យមិត្តភាពរបស់អ្នកស៊ីជម្រៅគ្រប់គ្រាន់ និងមានភាពស្និតស្នាលដោយមិនគិតអំពីការវិនិច្ឆយ តែរៀនសូត្រពីគ្នាទៅវិញទៅមក។

២. អ្នកនឹងមិនសូវមានរឿងដ្រាម៉ាអំពីមិត្តសម្លាញ់ឡើយ ពីព្រោះប្រុសៗមិនចូលចិត្តក្នុងការនិយាយដើមគេទេ ដូច្នេះមិត្តភាពរបស់អ្នកជាមួយពួកគេមិនសូវជាមានការឈ្លោះទាស់ទែងគ្នាទេ។

៣. អ្នកនឹងមានការយល់ដឹងច្រើនអំពីមនុស្សប្រុស ពីព្រោះស្ត្រីនឹងបុរសគឺមានទស្សនខុសគ្នា ហើយប្រសិនបើអ្នកបង្កើតមិត្តភក្តិជាមួយមនុស្សប្រុសនោះ អ្នកអាចនឹងស្គាល់ពីពិភពមនុស្សប្រុសបានល្អជាងនារីដទៃទៀត។

គុណវិបត្តិ ២ យ៉ាងសម្រាប់នារីៗដែលមានមិត្តសម្លាញ់ប្រុស៖

១. គេអាចមានការប្រចណ្ឌឬច្រណែន ប្រសិនបើគេដឹងថាមានមិត្តភក្ដិបុរសដទៃទៀតកំពុងចាប់អារម្មណ៍ស្រលាញ់អ្នក ហើយគាត់ប្រហែលជាខឹងនៅពេលដែលគាត់ឃើញអ្នកដើរលេងជាមួយប្រុសផ្សេង។

២. អ្នកប្រហែលជាអាចធ្លាក់ខ្លួនស្រឡាញ់គាត់ដោយខ្លួនឯង ហើយវាពិតជាអាចកើតឡើងបាន អារម្មណ៍បែបនេះអាចធ្វើឲ្យ មិត្តភាពរបស់អ្នកមានភាពស្មុគស្មាញបន្ដិច ប៉ុន្តែប្រសិនបើមិត្តប្រុសរបស់អ្នកមិនមានអារម្មណ៍ដូចគ្នានោះទេ វានឹងធ្វើឲ្យអ្នកមានការឈឺចាប់។

ប្រសិនបើអ្នកធ្លាប់មានអារម្មណ៍ថាមិត្តភាពរបស់អ្នកមានភាពស្មុគស្មាញនឹងភាពឆ្គាំឆ្គងរកាំរកូសនោះ មូលហេតុចម្បងគឺដោយសារតែកង្វះការប្រាស្រ័យទាក់ទងគ្នានៅក្នុងទំនាក់ទំនងមិត្តភក្ដិ។ ការមានជម្លោះជាមួយមិត្តភក្ដិវាគឺជារឿងធម្មតាទៅហើយ បើអ្នកពិតជាខ្វល់ខ្វាយអំពីមិត្តភាពរបស់អ្នក អ្នកនឹងខិតខំព្យាយាមសួរនាំ និយាយអំពីវា និងធ្វើការដោះស្រាយដើម្បីរក្សាមិត្តភាពនោះឲ្យរឹងមាំ ហើយអ្នកបង្កើតភាពស្និទ្ធស្នាលជាមួយគេរហូតដល់អ្នកចង់ធ្វើអ្វីៗគ្រប់យ៉ាងដើម្បីគេ ពីព្រោះវាបង្ហាញថាអ្នកស្រឡាញ់គេប៉ុណ្ណា៕

ប្រភពរូបភាព៖ Pinterest

ចុចអានបន្ត៖

• គន្លឹះល្អៗទាំង ៦ យ៉ាងដែលអាចជួយអ្នកក្នុងការសម្រេចចិត្តឲ្យបានត្រឹមត្រូវក្នុងជីវិត
• រឿង ៤ យ៉ាងដែលមនុស្សគ្រប់គ្នាគួរដឹងមុនពេលឈានចូលវ័យ ៤០ ឆ្នាំ