លែងរិះគន់បានហើយ ពេលនេះ Yang Zi ស្រកគីឡូស្លៀករ៉ូបសស្អាតដូចកូនក្រមុំ

2021-10-28 02:25:00
ចំនួនមតិ 0 | ចំនួនចែករំលែក 0

បង្ហាញវត្តមានក្នុងកម្មវិធីថ្មី តារាសម្ដែងស្រីជួរមុខចិន Yang Zi ធ្វើឲ្យអ្នកធ្លាប់តែរិះគន់សម្រស់របស់នាង គ្មានអ្វីត្រូវនិយាយក្រោយសម្រកគីឡូបានសម្រេច។

កាលពីថ្ងៃទី ២៧ ខែតុលាកន្លងទៅនេះ បណ្ដាញព័ត៌មាន Sina បានរាយការណ៍ថា តារាសម្ដែងស្រីលំដាប់ A ចិន Yang Zi បានក្លាយជាសិល្បករតែមួយគត់ត្រូវបានអញ្ជើញក្នុងកម្មវិធីតាំងពិព័រណ៌របស់សារមន្ទីរ Artiz Land។

មានវត្តមាននៅទីនេះ តួរឿង Ash of Love ស្លៀករ៉ូបពណ៌សធំវែងអូសដីធ្វើឲ្យនាងមិនខុសពីព្រះនាងដើរចេញពីរឿងនិទានឡើយ។ ក្រោយពេលកម្រងរូបភាពរបស់ស្រីស្អាតអាយុ ២៨ឆ្នាំត្រូវបានចុះផ្សាយ ឈ្មោះរបស់នាងត្រូវបានគេស្វែងរកច្រើនជាងគេភ្លាមនៅលើបណ្ដាញសង្គម Weibo។

ទន្ទឹមនឹងនេះ គេក៏សង្កេតឃើញដែរថា តារាស្រីកើតឆ្នាំ ១៩៩២ បានសម្រកទម្ងន់ជាងមុនច្រើន ដែលទាំងរាង និងដើមដៃគឺតូចស្រឡូនជាងមុន ដែលជាហេតុធ្វើឲ្យអ្នករិះគន់នាងមួយចំនួនកាលពីមុន លែងមានអ្វីត្រូវនិយាយ ត្បិតមុននោះ រាល់ពេលចូលកម្មវិធីធំៗ Yang Zi តែងត្រូវគេចាំឃ្លាំមើលរិះគន់ជានិច្ច ព្រោះរាងមិនស្រឡូនស្អាត៕