អត់ទាំងសម្ដែង អត់ទាំងច្រៀង ហេតុអ្វី Jennie មានឈ្មោះក្នុង Credit រឿង Squid Game?
- 2021-09-28 02:40:00
- ចំនួនមតិ 0 | ចំនួនចែករំលែក 0
អត់ទាំងសម្ដែង អត់ទាំងច្រៀង ហេតុអ្វី Jennie មានឈ្មោះក្នុង Credit រឿង Squid Game?
ទោះបីជាមិនបានចូលរួមដោយផ្ទាល់ក្នុងខ្សែភាពយន្តភាគ Squid Game ក៏ដោយ តែតារាចម្រៀងស្រីជួរមុខកូរ៉េ Jennie នៅតែត្រូវបានក្រុមការងារនេះថ្លៃងអំណរគុណដូចគ្នា។
កាលពីពេលថ្មីៗនេះ ទស្សនិកជនបានសង្កេតឃើញថា ទោះបីជាមិនបានចូលរួមសម្ដែង ក៏ដូចជាច្រៀង OST ឲ្យរឿងក៏ដោយ តែគេនៅតែឃើញឈ្មោះរបស់តារាចម្រៀងស្រីជួរមុខកូរ៉េ Jennie សមាជិកក្រុមចម្រៀង BLACKPINK នៅក្នុង Credit របស់រឿង Squid Game។ វត្តមានរបស់ម្ចាស់បទ Solo នៅក្នុងរឿងបានធ្វើឲ្យហ្វេនជាច្រើនមានចម្ងល់ថា នាងបានចូលរួមក្នុងផ្នែកណានៃរឿង។
បណ្ដាញព័ត៌មាន Naver បានឲ្យដឹងថា ក្រុមការងាររឿង Squid Game បានថ្លែងអំណរគុណដល់ស្រីស្អាតអាយុ ២៥ឆ្នាំ ដោយសារនាងគឺជាមិត្តជិតស្និទ្ធិតារាសម្ដែងស្រី Jung Hoyeon ដែលជាតួឯកក្នុងរឿង ហើយកំឡុងពេល និងក្រោយពេលរឿងចេញផ្សាយ គឺនាងតែងតែជួយគាំទ្រដល់រឿងជានិច្ចដោយមានសកម្មភាពដូចជា ផ្ញើរថយន្តចំណីអាហារ និងភេសជ្ជៈដល់ទីតាំងថត ក៏ដូចជាបង្ហោះលើបណ្ដាញសង្គមជារឿយៗដើម្បីផ្សព្វផ្សាយរឿង។ ក្រៅពីនេះ សមាជិកក្រុម BLACKPINK ក៏បានមកដល់ទីតាំងថតផ្ទាល់ដើម្បីលើកទឹកចិត្តដល់មិត្តរបស់ខ្លួន ក៏ដូចជាបុគ្គលិកទាំងអស់ផងដែរ ទើបធ្វើឲ្យនាងមានឈ្មោះនៅក្នុង Credit របស់រឿង៕