Rosé ស្នាក់​នៅ​បន្ទប់​សណ្ឋាគារ​តម្លៃ ១៩០០០ដុល្លារ ក្នុង​មួយ​​យប់

  • 2021-09-15 02:15:00
  • ចំនួនមតិ 0 | ចំនួនចែករំលែក 0

កន្លែង​ស្នាក់​នៅ​ នៅ​ក្នុង​ដំណើរ​កម្សាន្ត​កាល​ពី​ពេល​ថ្មី​ៗ​នេះ​របស់​តារា​ចម្រៀង​ស្រី​ជួរ​មុខ​កូរ៉េ Rosé ទទួល​បាន​ការ​ចាប់​អារម្មណ៍​ជា​ខ្លាំង​ព្រោះ​មាន​តម្លៃ​ខ្ពស់​ជា​លំដាប់។

កាល​ពី​ថ្ងៃ​ទី ១៤ ខែ​កញ្ញា​កន្លង​ទៅ​នេះ បណ្ដាញ​ព័ត៌មាន Wikitree បាន​រាយការណ៍​ពី​តម្លៃ​បន្ទប់​សណ្ឋាគារ​ដែល​កំពូល​តារា​ចម្រៀង​ស្រី​កូរ៉េ Rosé ស្នាក់​នៅ​សម្រាប់​ដំណើរ​កម្សាន្ត​របស់​ខ្លួន​កាល​ពី​ពេល​ថ្មី​ៗ​នេះ។ តាម​នោះ​ដែរ កាល​ពី​ថ្ងៃ​ទី ១២ ខែ​កញ្ញា​មុន​នេះ ម្ចាស់​បទ On The Ground បាន​បង្ហោះ​កម្រង​រូបភាព​ពី​ដំណើរ​កម្សាន្ត​របស់​ខ្លួន។ ប្រភព​ខាង​លើ​បាន​ឲ្យ​ដឹង​ថា រូបភាព​ទាំង​នេះ​ត្រូវ​បាន​ផ្ដិត​បាន​នៅ​រមណីយដ្ឋាន Paradise City ដែល​ស្ថិត​នៅ​ក្រុង Incheon ប្រទេស​កូរ៉េ។ ទស្សនិកជន​ជា​ច្រើន​បាន​សម្ដែង​ការ​ចាប់​អារម្មណ៍​ចំពោះ​ការ​រចនា​ដ៏​ស៊ីវិល័យ​នៃ​សណ្ឋាគារ​នេះ។

Wikitree បាន​ឲ្យ​ដឹង​ថា ស្រី​ស្អាត​អាយុ ២៤​ឆ្នាំ ជ្រើស​រើស​​ស្នាក់​នៅ​ក្នុង​ភូមិគ្រឹះ​មួយ​​នៅ​ក្នុង​រមណីយដ្ឋាន​នេះ ដែល​មាន​ទំហំ ៩០០​ម៉ែត្រ​ការ៉េ​រួម​ទាំង​មាន​អាង​ហែល​ទឹក​ផ្ទាល់​ខ្លួន​ផង​ដែរ។ សម្រាប់​តម្លៃ​ស្នាក់​នៅ​វិញ​គឺ​មាន​តម្លៃ ១៨៧០០​ដុល្លារ សម្រាប់​ការ​ស្នាក់​នៅ​មួយ​យប់។ មុន​​ការ​មក​ដល់​របស់​សមាជិក​ក្រុម​ចម្រៀង BLACKPINK ក៏​ធ្លាប់​មាន​វត្តមាន​របស់​តារា​ចម្រៀង​ប្រុស Taeyang និង​ប្រពន្ធ​ដែល​ជា​តារា​សម្ដែង​ស្រី Min Hyo Rin មក​លំហែរ​នៅ​ទី​នេះ​ផង​ដែរ៕

ប្រភព៖ news.zing.vn ប្រែ​សម្រួល៖ Caramel

អត្ថបទថ្មី