Wang Yi Bo និង Xiao Zhanជាប់ជាតារាមានប្រវត្តិល្អហួសដល់ថ្នាក់អ្នកប្រមាញ់រូបចង់ខឹងព្រោះឆ្មក់អ្វីមិនបាន

2021-08-30 03:00:00
ចំនួនមតិ 0 | ចំនួនចែករំលែក 0

នៅពេលដែលសិល្បករមានប្រវត្តិរូបល្អឥតខ្ចោះខ្លាំងពេក ធ្វើឲ្យបណ្ដាញព័ត៌មាន ក៏ដួចជាក្រុមអ្នកប្រមាញ់រូប ធ្វើការហត់ខ្លាំង តែមិនទទួលបានលទ្ធផលអ្វីទាំងអស់។ វិស័យសិល្បៈចិន ត្រូវបានគេចាត់ទុកថា ជាវិស័យសិល្បៈដ៏ធំមួយនៅអាស៊ី ក៏ដូចជាពិភពលោក ដូចនេះហើយ ព័ត៌មានក៏ដូចជារឿងអាស្រូវរបស់តារាប្រទេសនេះ ក៏ច្រើនមិនស្ទើរដូចគ្នា។

អាចនិយាយបានថា ថ្ងៃណាក៏មានរឿងអាស្រូវរបស់សិល្បករត្រូវបានទម្លាយចេញក្រៅដែរ។ យ៉ាងណាក្ដី មុននេះបន្តិច បណ្ដាញព័ត៌មាន Sina បានឲ្យដឹងថា មានតារប្រុស២ដួងដែលធ្វើឲ្យក្រុមអ្នកប្រមាញ់រូប ហត់ និងខឹងជាខ្លាំង ដោយសារតែតាមរាប់ខែ តែមិនទទួលបានផលអ្វីទាំងអស់។ កំពូលតារាទាំង២ដួងនេះគឺប្រុសស្អាត Xiao Zhan និង Wang Yi Bo។

ប្រភពដដែលបានឲ្យដឹងថា អ្នកប្រមាញ់រួបរបស់បណ្ដាញព័ត៌មានរាប់មិនអស់ បានចំណាយកម្លាំងញើសឈាមដើម្បីដើរតាម កំពូលតារាទាំង២តែលទ្ធផលទទួលមកវិញគឺសូន្យតែម្ដង។

សម្រាប់តួរឿង The Oath of Love អ្នកប្រមាញ់រូបរបស់ iFeng បានឲ្យដឹងថា លោកក្រៅពីទៅទីតាំងថត គឺត្រលប់មកផ្ទះសម្រាកភ្លាម ត្បិតការងារហត់ខ្លាំងពេក ធ្វើឲ្យលោកមិនមានពេលធ្វើអ្វីផ្សេងឡើយ។ រីឯតួរឿង The Legend of Fei ក្រៅពីថតរឿង គឺចំណាយថែមពេលដើម្បីហាត់រាំ ព្រោះលោកក៏ទទួលកម្មវិធីរាំជាច្រើនដែរ ហើយសូម្បីតែជួបជុំមិត្តភ័ក្ដិក៏គ្មានផង កុំថាឡើយរករឿងអាស្រូវអ្វីក្រៅពីនេះ៕