ល្អទាំងសុខភាព និងសម្រស់! គុណសម្បត្តិផ្លែមៀនច្រើនយ៉ាង លើសពីផ្លែឈើដែលអ្នកធ្លាប់ដឹង

2021-08-17 11:30:00
ចំនួនមតិ 0 | ចំនួនចែករំលែក 0

ផ្លែមៀនមិនត្រឹមតែជាផ្លែឈើដែលមានរសជាតិក្រអូបឆ្ងាញ់នោះទេ ប៉ុន្តែវាក៏មានគុណសម្បត្តិច្រើនសម្រាប់សុខភាព សម្រស់ផងដែរ។

១. ជួយស្បែកឲ្យស្រស់ភ្លឺថ្លា

ផ្លែឈើមួយប្រភេទនេះសម្បូរដោយវីតាមីន C កាកសសៃ និងប្រូតេអ៊ីនដែលល្អចំពោះរាងកាយ ជួយផ្តល់ជីវជាតិដល់ស្បែកពីខាងក្នុង ព្រមទាំងប្រឆាំងសារធាតុអុកស៊ីតកម្មយ៉ាងមានប្រសិទ្ធិភាព។ បន្ថែមពីនេះ ផ្លែមៀនជួយដល់ចរន្តឈាមក្នុងរាងកាយ និងកោសិកាមួយចំនួនឲ្យដំណើរការល្អ ផងដែរ។

២. ជួយស្បែកមិនឲ្យឆាប់ជ្រីវជ្រួញ

ដោយសារតែវាផ្ទុកវីតាមីននិងសារធាតុប្រឆាំងអុកស៊ីតកម្ម ដូច្នេះវាជួយប្រយុទ្ធប្រឆាំងបានល្អដើម្បីបំបាត់ស្នាមជ្រួញ និងជួយបង្កើនភាពស្រស់ថ្លាដល់ស្បែក។នៅពេលញ៉ាំផ្លែមៀន វាក៏បង្កើនជាតិដែកក្នុងរាងកាយ មិនឲ្យស្លេកស្លាំង ធ្វើឲ្យមើលទៅឃើញស្រស់ស្អាត។

៣. អាចធ្វើជាស្រ្កាប់សម្រាប់ស្បែកមុខបាន

អ្នកប្រាកដជាភ្ញាក់ផ្អើលមិនខាននៅស្រ្កាប់មួយប្រភេទនេះ។ យកសាច់មៀនចំហុយជាមួយទឹក១០ ml លាយជាមួយទឹកដោះគោស្រស់ កូរចូលគ្នាប្រហែល១០នាទី រួចទុកឲ្យត្រជាក់។ បន្ទាប់មក យកសំឡីមកផ្តិតយកជាតិទឹកផ្លែមៀន មកម៉ាស្សាលើផ្ទៃមុខប្រហែល ៥ -១០ នាទី រួចសឹមលាងមុខជាមួយទឹកស្អាត។

វិធីនេះជួយកម្ចាត់ចោលនូវភាពកខ្វក់ចេញពីរន្ធញើស ស្បែកមុខសបែបស៊ីជម្ពូ បំបាត់មុន បំបាត់កោសិកាងាប់ៗនៅលើមុខចោល និងជួយឲ្យស្បែកប្រែជាទន់រលោង។

៤. បំបាត់ក្លិនក្លៀក

អ្នកអាចយកគ្រាប់ផ្លែមៀនចាស់ៗយកទៅកិនជាម្សៅឲ្យម៉ត់ រួចលាយជាមួយទឹកខ្មេះ។ បន្ទាប់មកយកមកលាបនៅបរិវេណក្លៀក ដោយទុកឲ្យស្ងួតសឹមលាងជម្រះទឹកចេញ។ ប្រើរូបមន្តនេះត្រឹម ២ -៣ ដង នោះក្លៀកដែលធ្លាប់តែមានក្លិនប្រែមកជាក្រអូបសាយ មិនធុំក្លិនសារម្តងទៀតឡើយ៕

ប្រភព៖ Phunutoday ប្រែសម្រួល៖ លឹម សុនា