ការនិយាយប្រាប់រឿងផ្ទាល់ខ្លួនទៅកាន់មិត្តសម្លាញ់ ឬជាមួយក្រុមគ្រួសាររបស់អ្នកអាចជាការបន្ធូរអារម្មណ៍ និងភាពតានតឹងឬស្ត្រេសដែលមាននៅក្នុងចិត្តបាន ប៉ុន្តែពេលខ្លះវាក៏អាចបង្កជាបញ្ហាដ៏ធ្ងន់ធ្ងរដល់អ្នកបានផងដែរ។ មានរឿងខ្លះអ្នកគួរតែនិយាយបញ្ចេញវាចោលដើម្បីទទួលបានអារម្មណ៍ល្អប្រសើរនឹងសប្បាយចិត្ត តែក៏មានរឿងខ្លះទៀតអ្នកគួរតែរក្សាការសម្ងាត់នឹងមិនប្រាប់នរណាទាំងអស់។

នៅពេលដែលការទុកចិត្តរបស់អ្នកចំពោះអ្នកដទៃត្រូវបានខូចខាតនោះវាពិតជាលំបាកខ្លាំងណាស់ក្នុងការទាញយកវាមកវិញ ឬក៏ចង់ឲ្យរឿងទាំងនោះត្រលប់ក្រោយដូចដើម។ តើអ្នកធ្លាប់ឆ្ងល់ទេថា ហេតុអ្វីបានជាពេលដែលយើងមានបញ្ហាជីវិតឬទំនាក់ទំនងស្នេហា យើងតែងតែចង់ប្រាប់មិត្តភក្តិ?

ប្រសិនបើអ្នកបើកចំហអំពីរឿងផ្ទាល់ខ្លួនរបស់អ្នកទៅកាន់អ្នកដទៃគ្មានសល់នោះ វាអាចបណ្ដាលឲ្យអ្នកខូចចិត្តនឹងបាត់បង់ការទុកចិត្តគ្នា ហើយរឿងទាំង ៩ ចំណុចនេះដែលអ្នកមិនត្រូវប្រាប់នរណាម្នាក់ទំាងអស់៖

• អំពីបញ្ហារឿងលុយកាក់របស់អ្នក
• ការផ្ដល់អំណោយ ឬកាដូដែលគេនោះមិនពេញចិត្ត
• រឿងលម្អិតអំពីការឈ្លោះប្រកែកជាមួយដៃគូសង្សាររបស់អ្នក
• ព័ត៌មានលម្អិតអំពីរឿងផ្ទាល់ខ្លួនរបស់អ្នក
• ការនិយាយរឿងមិនល្អអំពីសាច់ញាតិរបស់ដៃគូអ្នក
• រឿងអាថ៌កំបាំងរបស់អ្នកដូចជាការបង្ហាញការផ្ញើសារ
• រឿងការពិតដែលពួកគេមិនចូលចិត្តក្នុងចំណោមមិត្តភក្តិរបស់អ្នក
• ការប្រាប់អំពីរឿងផិតក្បត់គ្នានៅក្នុងទំនាក់ទំនងស្នេហារបស់អ្នកទៅប្រាប់គេ
• និងការនិយាយប្រាប់អំពីទំនាក់ទំនងរបស់អ្នកជាមួយអតីតទៅកាន់ពួកគេ

មានហេតុផលផ្សេងៗគ្នាជាច្រើនដែលមនុស្សម្នាក់ៗធ្វើការផ្សព្វផ្សាយរឿងផ្ទាល់ខ្លួនប្រាប់អ្នកដទៃ សម្រាប់អ្នកខ្លះវាអាចជាការអួត ហើយអ្នកខ្លះទៀតគ្រាន់តែចង់បញ្ចេញវាឲ្យអស់ពីក្នុងខ្លួនដើម្បីបន្ធូរអារម្មណ៍តែប៉ុណ្ណោះ។ ប៉ុន្តែអ្នកត្រូវចងចាំថាចំពោះរឿងនៅក្នុងទំនាក់ទំនងស្នេហារបស់អ្នកមួយកុំធ្វើការបើកចំហឲ្យអស់ពេក ពីព្រោះវានឹងជះឥទ្ធិពលមិនល្អឡើយសម្រាប់អ្នក៕

ប្រភពរូបភាព៖ Pinterest

ចុចអានបន្ត៖

• អត្ថប្រយោជន៍ ៣ យ៉ាងពីការមានចិត្តគំនិតចាស់ទុំ
• មូលហេតុ ៣ យ៉ាងដែលបណ្ដាលឲ្យអ្នកជួបតែមនុស្សចរឹតមិនល្អ