ហ្វេនរបស់ Yang Zi គ្រាំទ្រូងព្រោះរឿងថតជាមួយ Wu Yifan អាចគ្មានថ្ងៃចាក់ផ្សាយ
- 2021-07-21 03:05:00
- ចំនួនមតិ 0 | ចំនួនចែករំលែក 0
ហ្វេនរបស់ Yang Zi គ្រាំទ្រូងព្រោះរឿងថតជាមួយ Wu Yifan អាចគ្មានថ្ងៃចាក់ផ្សាយ
ក្រុមអ្នកគាំទ្ររបស់តារាសម្ដែងស្រីល្បីឈ្មោះចិន Yang Zi កំពុងតែព្រួយបារម្ភត្បិតគម្រោងភាពយន្តដែលនាងខំថតជិត១ឆ្នាំ អាចនឹងត្រូវកប់ជារៀងរហូតដោយសាររឿងអាស្រូវរបស់មិត្តរួមសម្ដែង។
កាលពីថ្ងៃទី ២០ ខែកក្កដាកន្លងទៅនេះ បណ្ដាញព័ត៌មាន QQ បានរាយការណ៍ថា នៅពេលនេះ តារាសម្ដែងប្រុសល្បីឈ្មោះ Wu Yifan ត្រូវបានប្រេនដែលសហការនឹងខ្លួនផ្ដាច់កិច្ចសន្យាអស់ហើយ។ ខណៈរឿងផ្ទាល់ខ្លួនរបស់គេត្រូវទម្លាយនោះ មិត្តរួមសម្ដែងរបស់លោកនៅសុខៗក៏ត្រូវរងគ្រោះដូចគ្នា។
ជាក់ស្ដែង តារាសម្ដែងលំដាប់ A ចិន Yang Zi គឺជាជនរងគ្រោះធំបំផុត នៅក្នុងរឿងអាស្រូវលើកនេះ ត្បិតគម្រោងភាពយន្តបុរាណខ្នាតយក្ស The Golden Hairpin ដែលមាននាង និង Wu Yifan ត្រូវបានក្រសួងពាក់ព័ន្ធផ្អាកចាក់ផ្សាយដោយគ្មានថ្ងៃជាក់លាក់នឹងផ្សាយឡើយ។
អ្នកគាំទ្ររបស់តួរឿង Ash Of Love កំពុងស្ដាយជំនួសស្រីស្អាតវ័យ២៨ឆ្នាំនេះ ត្បិតគម្រោងខាងលើត្រូវបានផលិតករបោះទុនធំ មានប្រវែងដល់ទៅ៦០ភាគ ថតជិត១ឆ្នាំ ដោយសារត្រូវផ្អាកព្រោះកូវីដ១៩ ដល់ពេលថតហើយ តួបែរជាមានរឿងអាស្រូវ ធ្វើឲ្យមិនបានចាក់ផ្សាយ។
មុននោះដែរ ហ្វេនរបស់ ស្រីស្អាតកើតឆ្នាំ ១៩៩២ ធ្លាប់រំពឹងថា រឿងនេះនឹងល្បីផ្ទុះមិនចាញ់រឿង Ash of Love នោះឡើយ តែពេលនេះអ្វីៗបែរជាលែងច្បាស់ការទៅវិញ៕